Niama taho, što rańš było.
Kiłbasny baron płaciŭ, Anžalik vystupała. Usio zastajecca ŭ minułym.42-hadovaja maskoŭskaja śpiavačka biełaruskaha pachodžańnia Anžalika Ahurbaš (pa naradžeńni Jalinskaja) ŭsio čaściej chodzić na śvieckija mierapryjemstvy ŭ samocie. Chodziać čutki, što jaje, zdavałasia b, idealnamu šlubu ź biznesoŭcam Mikałajem Ahurbašam pryjšoŭ kaniec.
Lika šmat času addaje karjery, i, mahčyma, heta adna z pryčyn rastavańnia z mužam. Śpiavačka ŭžo hod, jak źjechała z zaharadnaha doma ŭ Karalovie, dzie raniej žyła z mužam.
Ahurbaš tłumačyć pierajezd tym, što jaje syn Anastas pajšoŭ vučycca ŭ adnu z maskoŭskich škołaŭ.
«Mikałaj spačatku adpraviŭ Anastasa ŭ himnaziju ŭ Padmaskoŭje, ale ja skazała:" Majo dzicia budzie vučycca tolki ŭ Maskvie!»Praktyčna za dva tydni da pačatku navučalnaha hoda ja znajšła dobruju škołu, i 31 žniŭnia my na paru z synam pierajechali ŭ kvateru na Tahancy. Z saboj tady ŭziała tolki sukienku, kab advieści Anastasa ŭ pieršy kłas, a jašče jaho kaścium, pižamu i kukuruznyja šmatki na śniadanak. Pa vychadnych my pryjazdžajem da taty ŭ Padmaskoŭje», — raspaviała jana.
Ale, zdajecca, zachoŭvać siamiejnyja adnosiny na adlehłaści dla muža i žonki stała nie tak i prosta. Anžalika ŭžo niekalki miesiacaŭ nie vychodzić u śviet z mužam, choć raniej rabiła heta dosyć časta.
Mikałaj ža, pa słovach supracoŭnikaŭ jaho kampanii «Martadel», chodzić nadzvyčaj zmročny.Siamiejnyja prablemy para nie kamientuje. Vierahodna tamu, što nie choča lišni raz pryciahvać cikavaść presy da asabistaha žyćcia.
Siabry siamji Ahurbaš kažuć, što Mikałaj ŭsio jašče nie hublaje nadzieju viarnuć Anžaliku, tak što moža być jašče nie ŭsio stračana.
Anžalika Ahurbaš śpiavaje «Kupalinku»
0
0
0
0
0
0
