Ładućka: Studenty padtrymlivajuć admienu lhot na prajezd 32

Jak paviedamlałasia raniej, z 1 lipienia dla studentaŭ i navučencaŭ admianiajecca biaspłatny prajezd u hramadskim transparcie.

Siońnia na pres-kanfierencyi ŭ Minsku staršynia Minharvykankama Mikałaj Ładućka zajaviŭ, što rezanansnaje rašeńnie ŭ cełym było padtrymana studenckaj hramadoj.

«Z 1 lipienia studenty buduć karystacca transpartam na ahulnych padstavach, — adznačyŭ Ładućka. — My zaŭsiody kazali: šanoŭnyja siabry, hetaja miera była pryniata tady, kali ŭ nas było niaprosta. Nichto nie abiacaŭ, što heta naviečna. Siońnia Minsk pakul nie vyjšaŭ na ŭzrovień zarobkaŭ śniežnia 2010 hoda,

ale za maj užo majem u siarednim bolš za $500. Studenty heta razumiejuć».

Ładućka raspavioŭ, što pytańnie admieny lhot abmiarkoŭvali niadaŭna na sustrečy z kamandzirami studatradaŭ.

«Studenty skazali, što jany hatovyja da hetaha raźvićcia padziej. Bo siońnia ŭ Minsku stvorany ŭmovy, u tym liku i na budaŭničych abjektach, kab možna było stvaryć sabie ekanamičny zapas.

Bolš za toje, u Minsku jość tysiačy varyjantaŭ, dzie vas prymuć u volny ad vučoby čas i dzie možna zrabić karyść horadu, zarabiŭšy pry hetym hrošy», — skazaŭ kiraŭnik Minharvykankama.

Pryvioŭ jon i taki fakt: studenty zusim nie takija biednyja, i daloka nie ŭsie ź ich karystajucca hramadskim transpartam.

Pavodle infarmacyi Mikałaja Ładućka, z 110 tys. navučencaŭ u 10 tys. jość ułasnyja aŭtamabili.

dengi.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH