Najlepšaja hazieta pa mierkavańni pravasłaŭnaj carkvy — «Respublika» 3

Biełaruskaja pravasłaŭnaja carkva i Mininfarmacyi vyznačyli najlepšyja ŚMI. U śpisy pieramožcaŭ trapili tolki dziaržaŭnyja miedyja.

Vyniki štohadovaha konkursu respublikanskich dy rehijanalnych ŚMI «Biełaruskaje pravasłaŭje: historyja i sučasnaść» abvieścili BPC i Ministerstva infarmacyi — mienavita jany źjaŭlajucca suzasnavalnikami konkursu.

Uznaharody achijepiskap Huryj uručaŭ poruč z namieśnikam ministra infarmacyi Uładzimiram Matusievičam, — paviedamlaje sajt BPC.

«Respublika» pieramahła ŭ naminacyi «Drukavanyja respublikanskija ŚMI»,

siarod «Drukavanych rehijanalnych ŚMI» dypłom 1-j stupieni atrymała ahienctva «Minsk-novosti», siarod «Elektronnych respublikanskich ŚMI» — ZAT «Druhi nacyjanalny telekanał» (ANT), siarod «Elektronnych rehijanalnych ŚMI» — TRK «Hrodna».

Namieśniku ministra infarmacyi Matusieviču ŭładyka Huryj daŭ miedal śviaciciela Kiryły Turaŭskaha druhoj stupieni.

Miedal Anastasii Akovazbavicielki atrymali: śpiecyjalnaja karespandentka haziety «Mahiloŭskija viedamaści» Ludmiła Hryšanava, rehijanalnaja karespandentka haziety «Źviazda» pa Mahiloŭskaj vobłaści Iłona Ivanova, a taksama namieśnica adkaznaha sakratara bresckaj abłasnoj haziety «Zaria» Volha Rolič.

Pavodle Baj.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH