Ukrainskija pravaabaroncy zaklikajuć nie dapuścić vizitu Alaksandra Łukašenki ŭ Kijeŭ na finał čempijanatu Jeŭropy pa futbole 1 lipienia. Pra heta havorycca ŭ ich adkrytym zvarocie da kiraŭnikoŭ dziaržaŭ, dypłamataŭ i pradstaŭnikoŭ mižnarodnych arhanizacyj.
Zvarot padpisali Centr hramadzianskich svabod, Ukrainski Chielskinkski kamitet, Asacyjacyja manitorynhu pravoŭ čałavieka ŭ dziejnaści pravaachoŭnych orhanaŭ i inšyja abjadnańni.
Pra toje, što Alaksandr Łukašenka prybudzie ŭ Kijeŭ na finalny matč
Ukrainskija pravaabaroncy ŭ suviazi z hetym nahadvajuć, što «biełaruskaja hramadzianskaja supolnaść i pravaabaroncy cierpiać ad žorstkaści kiraŭnictva krainy za svaje sproby abaranić pravy čałavieka».
«Biełaruskija ŭłady vykarystoŭvajuć usio bolš i bolš žorstkija miery — žorstkija razhony mirnych demanstracyj, pieraśled žurnalistaŭ i apazicyjnych palitykaŭ, aryšty pravaabaroncaŭ, — havorycca ŭ zajavie. — Tolki biezumoŭnaje vyzvaleńnie ŭsich palitźniavolenych, padtrymka niezaležnych ŚMI i hramadzianskaj supolnaści, pavaha viaršenstva zakona, svabodnyja i kankurentnyja vybary źjaŭlajucca adzinym mahčymym šlacham, kab biełaruskaje kiraŭnictva mahło zaniać hodnaje miesca siarod jeŭrapiejskich kalehaŭ».
Ukrainskija pravaabaroncy adznačajuć, što jeŭrapiejskija lidary nieadnarazova vykazvali svaju zakłapočanaść palitykaj Alaksandra Łukašenki i navat uviali sankcyi ŭ dačynieńni da asob, adkaznych za parušeńni pravoŭ čałavieka ŭ Biełarusi.
Aŭtary zajavy zaniepakojenyja, što mahčymaja prysutnaść Łukašenki na finale čempijanatu
Ukrainskija pravaabarončyja arhanizacyi zaklikajuć lidaraŭ jeŭrapiejskich krain, dypłamataŭ i kiraŭnikoŭ mižnarodnych arhanizacyj paŭpłyvać na prezidenta Janukoviča z tym, kab toj admianiŭ zaprašeńnie dla Alaksandra Łukašenki. Kali heta nie atrymajecca, jany prapanujuć bajkatavać finalny matč na stadyjonie «Alimpijski», kab «nie siadzieć pobač z kiraŭnikom krainy, jaki brutalna parušaje pravy čałavieka i ihnaruje mižnarodnyja damoŭlenaści, jakija ich harantujuć».