Hrupa rumynskich akademikaŭ pryznała premjer-ministra Viktara Pontu vinavatym u płahijacie pry napisańni dysiertacyi, sam Ponte nazvaŭ hetyja vysnovy «palityčna matyvavanymi» i kateharyčna admoviŭsia sychodzić u adstaŭku.
Rumynskaja nacyjanalnaja kamisija pa atestacyi zvańniaŭ i dypłomaŭ ustanaviła, što 85 staronak dysiertacyi Pontu źjaŭlajucca kopipastam z navukovych prac inšych ludziej, i prapanavała pazbavić premjera navukovaj stupieni. U adkaz premjer Rumynii skazaŭ, što «pavažaje praviły», tamu hatovy zajavić ab svajoj nievinavataści pierad Kamisijaj pa etycy.
«Ab adstaŭcy nie moža być i havorki», - padkreśliŭ Pontu.
U sakaviku hetaha hoda ministr abarony FRH Karł-Teador cu Hutenbierh padaŭ u adstaŭku paśla taho, jak jaho vykryli ŭ płahijacie asobnych frahmientaŭ svajoj dysiertacyi. U traŭni taksama syšoŭ u adstaŭku prezident Vienhryi Pal Šmit, pazbaŭleny doktarskaj stupieni za płahijat.
0
0
0
0
0
0
