Dziaržaŭnyja ŚMI Birmy paviedamili pra pamiłavańnie prezidentam krainy Tejn Siejnam 46 źniavolenych. Hazieta «Novy śviet Mjanmy» adznačaje, što rašeńnie pryniata ŭ ramkach palityki stabilnaści i nacyjanalnaha prymireńnia.
Zastajecca nieviadomym, ci budzie vyzvaleny niechta ź viaźniaŭ sumleńnia, jakich mižnarodnyja pravaabarončyja arhanizacyi naličvajuć sotniami.
Pavodle źviestak pravaabaroncaŭ, u Birmie kala 2000 palityčnych źniavolenych,siarod jakich jość žurnalisty, aktyvisty prademakratyčnaha ruchu, apanienty ŭrada, manachi, jakija prymali ŭdzieł u antyŭradavych pratestach u 2007 hodzie, a taksama členy roznych etničnych hrup, jakija dabivajucca bolšaj aŭtanomii.
U kastryčniku minułaha hoda Tejn Siejn amnistavaŭ bolš za 6 tysiač viaźniaŭ turmaŭ, što było pazityŭna ŭspryniata mižnarodnaj supolnaściu.
0
0
0
0
0
0
