Łatvija zaniepakojena značnym rostam kantrabandy cyharet ź Biełarusi

Łatvijskaja mytnia praduchiliła sprobu ŭvozu ŭ krainu 369 tysiač kantrabandnych cyharet ź Biełarusi i Rasii, paviedamlaje pres-słužba viedamstva.

Nielehalny hruz byŭ zatrymany pozna viečaram 2 lipienia padčas pravierak na miažy. Kantrabandnyja cyharety byli znojdzieny ŭ adnym z vahonaŭ ciahnika Sankt-Pieciarburh — Ryha, a taksama ŭ niekalkich aŭtamabilach, jakija sprabavali ŭjechać u Łatviju ź Biełarusi. Raspačata kryminalnaja sprava.

Jak adznačaje pres-słužba łatvijskaj mytni, uzrovień kantrabandy ŭ Łatvii za apošnija niekalki hadoŭ značna vyras. Ekśpierty źviazvajuć heta ź ciažkim ekanamičnym kryzisam, jaki pieražyvaje Łatvija, a taksama z tym, što ŭ Biełarusi i Rasii cyharety ŭ niekalki razoŭ tańniejšyja.

Usur`ioz zaniepakojeny prablemaj kantrabandy tytuniovych vyrabaŭ z nazvanych krain, urad Łatvii daručyŭ pravaachoŭnym orhanam bolš žorstka zmahacca z hetaj ź`iavaj.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH