Kamientavali matč pa-biełarusku Pavieł Baranaŭ i Dźmitryj Hierčykaŭ.
U Salihorsku ŭ subotu prajšoŭ chiba nie centralny matč leta. Sustrakalisia «Šachcior» i BATE. U vypadku pieramohi salihorski kłub dahnaŭ by barysaŭcaŭ u turnirnaj tablicy.
Niahledziačy na 30-hradusnuju śpioku, kamandy vydali najcikaviejšuju hulniu. «Šachcior» adkryŭ lik: na 20-j chvilinie vyznačyŭsia Dźmitryj Asipienka. Na 73-j Edhar Alachnovič z-za miežaŭ štrafnoj pryhožym udaram u dziaviatku lik zraŭniaŭ — 1:1.
Baraćba nie spyniałasia da 94-j chviliny, pryčym pry pazicyjnaj pieravazie BATE «Šachcior» ahryzaŭsia i mieŭ niekalki momantaŭ.
Adryŭ BATE ŭ 3 bały zachavaŭsia (37 suprać 34), pryčym u Barysava na hulniu mieniej.
Zaznačym taksama dva momanty: BATE zhulaŭ pieršy raz uničyju ŭ hetym čempijanacie (u kamandy ciapier 12 pieramohaŭ, 1 ničyja i 3 parazy), a tranślacyju pa kanale «Biełaruś-2» emacyjna kamientavali pa-biełarusku Pavieł Baranaŭ i Dźmitryj Hierčykaŭ.