Admovicca ad dvuchtydniovaha adklučeńnia letam haračaha vodazabieśpiačeńnia niemahčyma, ale možna skaračać terminy, zajaviŭ 10 lipienia napres-kanfierencyi ŭ Minsku namieśnik ministražyllova-kamunalnaj haspadarki Anatol Šahun.
Jak jon rastłumačyŭ, «adklučeńnie haračaha vodazabieśpiačeńnia źviazana ź nieabchodnaściu praviadzieńnia vyprabavańniaŭ abstalavańnia i ciepłasietak». «Ciepłavaja sietka pierad praviadzieńniem vyprabavańniaŭ pavinna astyć na praciahu prykładna sutak. Potym pravodzicca vyprabavańnie pavyšanym ciskam. Kali jano paśpiachovaje, to možna pradoŭžyć ciepłazabieśpiačeńnie spažyŭcoŭ. Jak praviła, vyprabavańni vyjaŭlajuć skrytyja defiekty ŭ trubapravodach, na ŭchileńnie jakich taksama patrabujecca čas», — skazaŭ čynoŭnik.
«Kab paźbiehnuć adklučeńnia haračaj vady na dva tydni, varyjant jość tolki adzin, jaki patrabuje źmianić sistemu ciepłazabieśpiačeńnia nasielenaha punkta z mahčymaściu pieraklučeńnia na inšuju krynicu ci inšuju ciepłamahistral.Heta davoli zatratnaje mierapryjemstva», — skazaŭ namieśnik ministra.
Jon taksama adznačyŭ: «Čym bolš my zamienim znošanych sietak, tym budzie mienšy termin adklučeńnia. Akramia hetaha, skaračeńniu terminaŭ moža spryjać prymianieńnie sučasnych materyjałaŭ».
0
0
0
0
0
0