Kryminalnaja sprava ŭ adnosinach da eks-namieśnika staršyni Viciebskaha abłvykankama Leanida Kavalova znachodzicca ŭ Minskim haradskim sudzie. Jaje razhlad pačaŭsia jašče letaś. A paśla praces prypynili: nibyta čakajucca vyniki niejkich ekśpiertyz.
U Minskim haradskim sudzie paviedamili, što sprava tak i nie adnaviłasia. Adna z pryčyn — sudździa ŭ adpačynku.
Kali ž adpačynak skončycca, skazać nie zmahli.
Infarmacyja pra mahčymaje zatrymańnie Leanida Kavalova źjaviłasia ŭ červieni 2011-ha. Ale nivodnaje siłavoje viedamstva tady nie paćvierdziła heta. I tolki sioleta stała viadoma, što sud nad čynoŭnikam pačaŭsia. Ale bolšaj infarmacyjaj nichto nie vałodaje.
Mahčymaj pryčynaj aryštu Kavalova nazyvajecca jaho kamiercyjnaja dziejnaść na vysokaj pasadzie.
Za što kankretna ci na pa jakim atrykule Pracoŭnaha kodeksa Kavalova vyzvalili z zajmanaj pasady, my pasprabavali vyśvietlić u Viciebskim abłvykankamie. Na aficyjny zvarot pryjšoŭ adkaz:
«Pakolki jon [Leanid Kavaloŭ] znachodzicca pad śledstvam, dostup žurnalistaŭ da ŭsich źviestak, źviazanych z materyjałami daznańnia, papiaredniaha śledstva i sudovaha razboru da zakančeńnia vytvorčaści pa kryminalnaj spravie abmiežavanyja».
