Parłamient Małdovy aficyjna asudziŭ kamunistyčny režym i zabaraniŭ kamunistyčnuju simvoliku. Adpaviedny zakonaprajekt, jak pieradaje Publika.md, byŭ pryniaty na pasiadžeńni 12 lipienia. Za jaho prahałasavali 53 deputaty ad kirujučaj kaalicyi, a taksama niezaležny deputat Michaj Hodzia. Suprać hałasavali pradstaŭniki apazicyjnaj Partyi kamunistaŭ, a taksama deputaty ad Partyi sacyjalistaŭ.
Dakumient «asudžaje tatalitarny kamunistyčny režym u Małdaŭskaj SSR, jaki ździejśniŭ złačynstva suprać čałaviectva, a taksama dziejańni ŭsich asob, jakija ŭdzielničali ŭ ździajśnieńni złačynstvaŭ kamunistyčnaha režymu».
Akramia taho, zakonaprajekt zabaraniaje vykarystoŭvać na terytoryi respubliki kamunistyčnyja znaki (u jakaści prykładu zhadanyja sierp i mołat). Pry hetym udakładniajecca, što
zabarona raspaŭsiudžvajecca tolki na vykarystańnie hetaj simvoliki ŭ palityčnych metach.Taksama zabaroniena «prapahandavać tatalitarnyja ideałohii».
U Małdovie va ŭładzie znachodzicca
Dla taho, kab ustupić u siłu, zakon ab zabaronie kamunistyčnaj simvoliki pavinien jašče prajści zaćviardžeńnie ŭ prezidenta. Praŭda, navat kali kiraŭnik respubliki viernie dakumient u parłamient, deputaty mohuć pryniać jaho paŭtorna (i ŭ hetym vypadku prezident budzie abaviazany jaho padpisać).
Suprać hetaha rašeńnia parłamienta Małdovy vystupiła frakcyja KPRF u rasijskaj Dziarždumie. Adpaviednuju zajavu jana maje namier nakiravać kiraŭnictvu respubliki.
