Kitajskaja žonka jak tajemnaja zbroja 1

Sprečka pra toje, ci puskać u Tajvań maładych kitajanak, idzie daŭno. Na fota: pratest u Tajpei.

Čym bolej žonak pryvoziać tajvańcy z Kitaja, tym bolš apasieńniaŭ, što heta kamunistyčnyja ahientki, hatovyja vykonvać zahady Piekina.

Piekin u toj roli, adnak, bačyć chutčej kitajskich mužoŭ, jakija astatnim časam taksama pačali žanicca z tajvańskimi kabietami.

Ad 1992 h., kali Tajpej dazvoliŭ rehistravać šluby z žycharami varožaj Kitajskaj Narodnaj Respubliki, na vyśpie pasialiłasia 260 tysiač kitajanak. Heta bolš za 1% nasielnictva Tajvaniu.

Hetyja kabiety nie źjaŭlajucca abjektami rasavych zababonaŭ, bo na abodvuch bierahach Tajvańskaj pratoki žyvuć kitajcy naroda Chań. Zatoje jość zababony palityčnyja. Na vyśpie źjavilisia navukovyja daśledavańni, jakija śćviardžajuć, što naščadki takich źmiašanych šlubaŭ zaŭždy budzie hałasavać za partyi, što simpatyzujuć Piekinu.

Dzie-nidzie navat śćviardžajecca, što kitajskija žonki — heta «śpiačyja» ahientki, jakija čakajuć na zahad Narodna-vyzvalenčaj armii, što rychtujecca da napadu.

Adnosiny kitajskaha halijafa z tajvańskim Davidam u asnoŭnych rysach nie zusim drennyja: jašče dziesiać hadoŭ tamu analityki množyli scenary vajny ŭ pratocy. Kitaj chvaliŭsia kolkaściu rakiet, nacelenych na svaju «paŭstałuju pravincyju», a Tajvań vadatkoŭvaŭ miljardy na najnoŭšaje ŭzbrajeńnie. Ciapier brazhańnie zbrojaj nibyta ścichła. Dałučeńnie vyspy da macieryka, pra jakoje mroili pakaleńni kitajskich pravadyroŭ, ździajśniajecca pakrokava, pavolna, ale niezvarotna.

Tajvańskija biznesoŭcy achvotna inviestujuć na kantyniencie, karystajučysia kredytami, jakija dajuć dziaržaŭnyja kitajskija banki. Kitajskija turysty naviedvajuć vyspu. Piekin ładzić i apłačvaje tajvańskim navukoŭcam i byłym vajskoŭcam sieminary najvyšejšaha ŭzroŭniu na temu śvietłaj budučyni paśla abjadnańnia.

U 2008 hodzie źjaviłasia niepasrednaje złučeńnie (raniej samaloty musili siadać napr. U Hankonhu). Paŭstała navat fantastyčnaja ideja vykapać tuniel, jaki b źjadnaŭ vyspu z kantynientam.

Ale mnohija tajvańcy pa-raniejšamu bajacca Kitaja i kitajskich špijonaŭ.

Choć heta moža nahadvać paranoju, źjava, zvanaja dixia gongzuo (padpolnaja praca) była viadomaja ŭ historyi. Kali ŭ 1949 adździeły Mao uvajšli ŭ Šanchaj, «abudzilisia» tajemnyja členy kamunistyčnaj partyi, jakija pad nosam u nacyjanalistaŭ zmahli praniknuć va ŭsie sacyjalnyja słai horada. Pierad viartańniem Hankonha u 1997 zasłancy Piekina pracavali praz pasiarednictva adździełaŭ Bank of China, a potym firmaŭ, jakija adčynili svaje pradstaŭnictvy ŭ brytanskaj kałonii.

Niama sumnievaŭ, što kitajskich ahientaŭ chapaje i ŭ Tajvani. Ale niama nijakich dokazaŭ, što da ich treba zaličvać i «impartavanych» žonak.

Kali bolšaść tajvańcaŭ i hladziać skosa na miašanyja šluby, dyk heta tamu, što na vyspu ŭ asnoŭnym traplajuć prostyja viaskovyja dzieŭki. Pavodle źviestak imihracyjnaha departamienta, u 2007 73% ź ich nie mieła nijakaj śpiecyjalnaści, a 63% skončyła ŭ najlepšym vypadku pačatkovuju škołu. Uvohule, heta nie dzivić, bo kitajskich kabiet znachodziać sabie takija ž nieadukavanyja starejšyja tajvańcy, zapłaciŭšy pa 10 tysiač dalaraŭ ahiencyi-pasiaredniku.

Ale iduć źmieny. Jak zaŭvažyŭ pracytavany ŭ «Asia Times Online» prafiesar Čen In-Čyn z Nacyjanalnaha centralnaha ŭniviersiteta ŭ Tajpei,

u apošnija hady ŭsio bolš robicca siemjaŭ, u jakich muž pachodzić z Kitaja, a žonka z Tajvania. Heta zvyčajnyja maładyja ludzi, jakija paznajomilisia padčas vučoby.

Takija kitajcy pachodziać z zamožnych haradskich siemjaŭ. Abjadnańnie Kitaja i Tajvania dla ich amal relihijnaja meta — kaža Čen.

Voś heta — sapraŭdnyja ahienty. Tak, prynamsi, bačyć ich Piekin. Kie Donh, vice-šef kitajskaha Biuro spravaŭ Tajvaniu, padčas apošniaha vizita na vyspu źviarnuŭsia z pramovaj da kitajskich studentaŭ, zaklikajučy ich «vykarystoŭvać vypadak, kab zaviazać stasunki z tajvańskimi studentami». «Luboŭ nie viedaje miežaŭ», — dadaŭ jon, kab nie było sprečak, pra što havorka.

Častka tajvańskich miedyja, što padtrymlivabć ideju abjadnańnia, pačali jak pa kamandzie publikavać nieščaślivyja historyi miašanych siemjaŭ, jakija nie mohuć być razam, bo Tajvań nie dazvalaje kitajcam zastavacca paśla skančeńnia vučoby. Meta takich dziejańniaŭ jasnaja: davieści da źniaćcia abmiežavańniaŭ, jakimi Tajvań sprabuje baranicca ad chvali pierasialencaŭ z kantynienta.

Palittyčnyja šluby — heta stratehija, staraja jak śviet, a ŭ Kitai viadomaja pa mienšaj miery ad I stahodździa n. e., kali impieratar Juań vysłaŭ adnu z svaich nałožnic, kab vyjšła zamuž za pravadyra kačavoha plemia, jakoje pahražała dynastyi Chań.

Wyborcza.pl

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH