Kali mierkavać z vystupaŭ roznych aficyjnych asob, to ekanamičny rost za apošnija hady try byŭ prosta ašałamlalnym. Ros VUP, raśli nadoi i nakosy, i tolki «časovyja ciažkaści» 2011 papsavali ahulnuju dabratvornuju karcinu. Ciapier usim abiacajuć znoŭ pa $500 i sytaje žyćcio da kanca hoda. Adnak ci takija dobryja buduć hetyja $500 u paraŭnańni z tymi, jakija byli ŭ niedalokim 2009 hodzie? Onliner.by vyrašyŭ paličyć, čaho i kolki siaredni biełarus moh sabie dazvolić na $500 tady i ciapier.
Naprykład, u śpiakotnaje leta 2009-ha možna było zajści ŭ kramu i nabyć maroziva pa canie $4,05/kh, a ciapier hety pradukt paciahnie ŭžo na $5,36/kh. Takija dadzienyja možna vyjavić, daśledujučy siarednija ceny na pradukty charčavańnia, pryviedzienyja ŭ spravazdačach Biełstata.
A kali b raptam zachaciełasia pra zapas zakupicca na ŭsie $500 miasam, to ŭ 2009 hodzie možna było «ŭciahnuć» 120 kh jałavičyny pieršaj katehoryi pa canie $4,17/kh. Siońnia ž udasca ŭziać usiaho 78 kiło pry canie $6,41/kh.
Navat da biełaruskaha sała inflacyja akazałasia biaźlitasnaja:kali ŭ červieni 2009-ha jaho možna było nabyć za $4,59/kh, to ŭ červieni hetaha hoda jano kaštavała ŭžo $5,74/kh.
U pieraliku na žyvuju rybu zapavietnyja $500 taksama «schudnieli»: z 234 kh u 2009-m da 174 kh u 2012-m. I zusim sumna robicca, kali vymiarać abiacanyja $500 u ćviordym syry - u 2009 možna było kupić 96 kh praduktu, a ciapier ŭdasca atrymać usiaho 76 kh.
A voś bolšaść pasłuh dla biełarusaŭ u paraŭnańni z 2009 hodam u dalarach patańnieła.Tak, płata za elektrazabiaśpiečańnie źniziłasia bolš čym u 2 razy, haračaje vodazabiaśpiečańnie taksama patańnieła (u 2,14 razu), a płata za haz źmienšyłasia ŭ 1,5 razu.
Samaje vialikaje źnižeńnie demanstrujuć pasłuhi pa dostupie ŭ internet.Kali vieryć Biełstatu, to za try apošnija hady apłata takich pasłuh u dalarach źniziłasia bolš čym u 3 razy.
Nakolki ŭ vyniku $500 uzoru 2009 hoda adroźnivajucca ad $500 uzoru 2012-ha, kožny moža acanić sam. Adnak treba mieć na ŭvazie, što siaredni zarobak u $500 u Biełarusi abiacajuć da kanca hoda, a jakija da taho momantu buduć ceny na tavary i pasłuhi, naŭrad ci viedajuć navat u Minekanomiki.
