Daterminovaje skasavańnie damovy z Andrejem Miezinym inicyjavaŭ chakiejny kłub
U artykule 29 pravavoha rehłamientu KCHŁ havorycca, što «pry daterminovym skasavańni kantraktu ź inicyjatyvy kłuba na padstavach, jakija adnosiacca da dyscyplinarnych spahnańniaŭ, chakieist abaviazany zrabić na karyść kłuba, ź jakim byŭ skasavany kantrakt, hrašovuju vypłatu ŭ nastupnym paradku i pamierach: 1) kali chakieist nie dasiahnuŭ da momantu skasavańnia kantraktu ŭzrostu 29 hadoŭ, jon vypłačvaje kłubu 2/3 ad sumy zarabotnaj płaty, niavypłačanaj za pieryjad, jaki zastaŭsia da zakančeńnia terminu kantraktu; 2) kali chakieist dasiahnuŭ da momantu skasavańnia kantraktu ŭzrostu 29 hadoŭ, jon vypłačvaje kłubu 1/3 ad sumy zarabotnaj płaty, niavypłačanaj za pieryjad, jaki zastaŭsia da zakančeńnia terminu kantraktu».
Pakolki Andreju Miezinu 8 lipienia spoŭniłasia ŭžo 38, to jon pavinien budzie vypłacić tracinu sumy.
Pryčym chakieist abaviazany zrabić hrašovuju vypłatu na karyść kłuba ciaham dvuch miesiacaŭ z dnia skasavańnia kantraktu. Bolš za toje, ciaham pieryjadu, roŭnaha terminu, pakinutamu da zakančeńnia kantraktu, kłub zachoŭvaje za saboj prava spartyŭnaj prynaležnaści na takoha chakieista. A kali paśla zakančeńnia nazvanaha terminu kampiensacyja hulcom nie była vypłačanaja, to pravy zachoŭvajucca za kłubam da momantu vypłaty kampiensacyi.
Tak što kali KCHŁ pryznaje takoje zvalnieńnie Andreja Miezina pravamiernym, to
jon nie tolki nie atrymaje niaŭstojki za daterminovaje skasavańnie kantraktu, ale i vymušany budzie sam zapłacić niemałuju sumu, bo termin pahadnieńnia chakieista z «Dynama» zakančvajecca tolki ŭ kancy nastupnaha siezonu, a hadavy zarobak hałkipiera, pavodle źviestak haziety «Presboł», składaŭ kala $800 tys.
Jašče 1 červienia na sustrečy z žurnalistami adkazvajučy na pytańnie pra toje, ci nie paŭpłyvaŭ na rašeńnie ab skasavańni kantraktu z Andrejem Miezinym jaho samavolny skandalny adjezd z bazy nacyjanalnaj zbornaj na minułym čempijanacie śvietu ŭ Chielsinki, spartyŭny dyrektar minskaha «Dynama» Ihar Matuškin adkazaŭ: «Usio ŭ hetym śviecie ŭpłyvaje na ŭsio. Ja pravioŭ z Andrejem paru telefonnych razmovaŭ, sustrakalisia i z voka na voka. Ale detali incydentu ŭ Chielsinki my kamientavać nie budziem. Prynamsi da taho času, pakul nie rasstaniemsia ź Miezinym jurydyčna. Andrej Miezin vielmi dapamoh kłubu, vielmi dapamoh zbornaj, ale ŭ budučyni ŭ sistemie kłuba my jaho nie bačym. Takoje rašeńnie my pryniali paśla čempijanatu śvietu».
Takim čynam, u minskim «Dynama» zastajucca 2 hałkipiery —kanadziec Kievin Łałand, jaki atrymaŭ u lutym biełaruskaje hramadzianstva, i narviežac Łars Chaŭhien. Akramia taho, u skład buduć pryciahvacca maładyja hałkipiery Jan Šelepnieŭ i Michaił Karnavuchaŭ. Z Łałandam niadaŭna byŭ padpisany kantrakt na dva hady, pahadnieńnie z Chaŭhienam dziejničaje jašče adzin siezon.
Abstaviny ž, a hałoŭnaje, pryčyny demaršu Andreja Miezina na čempijanacie śvietu da hetaha času zastajucca nieviadomymi. Choć u kułuarach hałoŭnaj zastajecca viersija pra kanflikt z hałoŭnym trenieram zbornaj Kary Chiejkilem, jaki ciapier kiruje i minskim «Dynama». Ale ŭ toj ža čas Kary Chiejkila zapeŭniŭ žurnalistaŭ, što kali Andrej Miezin budzie hulać u inšym kłubie, to dźviery nacyjanalnaj družyny dla hałkipiera buduć adkrytyja.
Andrej Miezin vystupaŭ za minskaje «Dynama» try papiarednija siezony. Za plačyma
