Arhanizujecca sumiesnaja vytvorčaść tralejbusaŭ, tramvajaŭ i hibrydnych aŭtobusaŭ

U Biełarusi budzie realizoŭvacca inviestycyjny prajekt pa stvareńniu sumiesnaj vytvorčaści čyhunačnaha i haradskoha pasažyrskaha elektryčnaha transpartu. Heta praduhledžana ŭkazam ad 20 lipienia 2012 hoda numar 322, tekst jakoha apublikavany na Nacyjanalnym pravavym internet-partale.

Inviestprajekt raźličany na 2012–2016 hady i budzie vykonvacca šlacham paetapnaha praviadzieńnia prajektna-pošukavych rabot, budaŭnictva i ŭvodu ŭ ekspłuatacyju zavoda pa vytvorčaści čyhunačnaha i haradskoha pasažyrskaha elektratranspartu. Inviestaram źjaŭlajecca kampanija Stadler Rail AG (Šviejcarskaja Kanfiederacyja). Jana nabyvaje dolu ŭ statutnym fondzie (akcyi) u pamiery 60 pracentaŭ u stvarajemym pradpryjemstvie. Heta pradpryjemstva vystupaje zakazčykam pa prajektavańniu i budaŭnictvu zavoda i abjektaŭ inžyniernaj i transpartnaj infrastruktury da jaho. Ź biełaruskaha boku ŭdzielnikam prajekta vystupaje AAT «Kirujučaja kampanija chołdynha «Biełkamunmaš».

Pad budaŭnictva zavoda buduć vydzieleny biez praviadzieńnia aŭkcyjonu ziamielnyja ŭčastki płoščaj 18,9 ha ŭ Dziaržynskim rajonie. Pradpryjemstva budzie vyzvalena pa 31 śniežnia 2020 hoda ad arendnaj płaty za ziamielnyja ŭčastki, jakija znachodziacca ŭ dziaržaŭnaj ułasnaści. Taksama ŭ 2012–2016 hadach jano vyzvalajecca ad vypłaty PDV, jaki spahaniajecca mytnymi orhanami za ŭvozimyja tavary, nieabchodnyja dla vytvorčaści ŭ Biełarusi tralejbusaŭ, aŭtobusaŭ z hibrydnymi siłavymi ŭstanoŭkami, tramvajaŭ.

Kirujučaja kampanija chołdynha «Biełkamunmaš» uniasie da 31 lipienia 2012 hoda ŭ vyhladzie niehrašovaha ŭkładu častku majomaści, nieabchodnaj dla vytvorčaści haradskoha pasažyrskaha elektratranspartu, u statutny fond stvarajemaha AAT «Elektryčny transpart» (Minsk).

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH