Tranślacyju futbolnaha matču «Vardar» (Skopje) — BATE navat nie arhanizavali. Vidać, druhi kvalifikacyjny raŭnd Lihi čempijonaŭ nie taki važny etap dla BT. A mo praŭda makiedoncy zahnuli zavyšanuju canu. Tym nie mienš, hladzieć davodziłasia ŭ internecie.Za apošnija hady nikoli nie było tak tryvožna za jeŭrakubkavuju adysieju biełaruskaha čempijona. BATE siońnia nie ŭ najlepšaj formie. Try matčy zapar va ŭnutranym pieršynstvie nie moža atrymać pieramohu. A tut jašče nie Alimpijadu adpravilisia «mozh kamandy» Dźmitryj Baha i Renan Bresan. Kali stratu adnaho ź ich jašče b možna było kampiensavać, to dvuch adrazu vielmi ciažka.
Sapraŭdy, u pieršaj hulni Lihi čempijonaŭ z makiedonskim «Vardaram» barysaŭcam nie chapała dumki ŭ centry pola. Asabliva, paśla taho, jak u haściej atrymaŭsia
Kancoŭka hulni, kaniečnie, była fantastyčnaj. Vital Radzivonaŭ zabiŭ dva hały hałavoj užo ŭ kampiensavany arbitram čas. BATE pieramoh 3:2. Ale zmročnych dumak pierad vyjezdam u Skopje nie pamienieła.U pieršym tajmie BATE vałodaŭ zaŭvažnaj inicyjatyvaj. I nie skazać było, što mienavita makiedoncam treba było zabivać hały. Jany ŭsio bolš adsidžvalisia ŭ abaronie, ci kurčylisia na poli. Nibyta ŭ praciah barysaŭskaj hulni.
Tolki, zdajecca, Vital Radzivonaŭ svoj fart całkam skarystaŭ u toj hulni. Na
Potym za chvilinu BATE zmoh arhanizavać dva momanty. Spačatku Dźmitryj Mazaleŭski nie zmoh apracavać miač u štrafnoj, a praź imhnieńnie Arciom Kancavy babachnuŭ u štanhu.
Apošni ŭ pieršaj pałovie hulni šaniec upuściŭ Vaładźko, kali biaschitrasna ŭdaryŭ u varatara. Makiedoncy adkazali tolki adnoj atakaj, ale skarystać jaje nie zmahli.
Druhi tajm, skažam prama, nie byŭ cikavym. Kali zabycca na momant Radzivonava ŭ samym jaho pačatku, to i zapomnić asabliva niama čaho. BATE nie zmoh zrabić, ale kudy važniej, što i nie prapuściŭ — 0:0.Ciapier 1 i 8 žniŭnia barysaŭcy ŭ trecim kvalifikacyjnym raŭndzie Lihi čempijonaŭ paspračajecca z «Debrecenam» ź Vienhryi. Pieršaja hulnia doma.
