Pa daručeńni A. Łukašenki pačata praca pa stvareńni muzieja narodnaha piśmieńnika Biełarusi Vasila Bykava. Muziej budzie adčynieny na bazie lecišča Bykava ŭ
U hetych metach 27 lipienia pryniata pastanova ŭrada, u adpaviednaści ź jakoj lecišča biaspłatna pieradadziena Irynaj Michajłaŭnaj Bykavaj va ŭłasnaść dziaržavy.
«Hety dzień źjaŭlajecca adpraŭnoj kropkaj u spravie ŭviekaviečańnia pamiaci piśmieńnika i zachavańnia jaho tvorčaj spadčyny», — padkreślili ŭ Minkultury.
Muziej stvarajecca jak filijał Dziaržaŭnaha muzieja historyi biełaruskaj litaratury. Na praciahu 2012–2014 hadoŭ budzie praviedzieny kapitalny ramont lecišča Vasila Bykava ź jaho prystasavańniem pad muziejnuju ŭstanovu, a taksama budzie dobraŭparadkavana prylehłaja terytoryja, stvorany kamfortnyja ŭmovy dla naviedvalnikaŭ.
Adnačasova pa daručeńni Łukašenki supracoŭniki Dziaržaŭnaha muzieja historyi biełaruskaj litaratury viaduć navukovuju apracoŭku archiva Vasila Bykava i asabistych rečaŭ piśmieńnika, jakija znachodziacca ŭ jaho kvatery i na leciščy. Hetyja pradmiety i dakumienty składuć asnovu ekspazicyi muzieja piśmieńnika, stvareńnie jakoj płanujecca ažyćciavić u 2013–2014 hadach.
