«Bi-2»: Čuli pra cenzuru, ale nas nie tyčyłasia 5

Udzielniki rasijskaha rok-hurtu«Bi-2» Lova i Šura šmat čuli pra cenzuru ŭ Biełarusi, ale asabista ich heta nikoli nie tyčyłasia, tamu jany navat nie viedajuć, jak da hetaha stavicca. Pra heta muzykanty zajavili 28 lipienia na pres-kanfierencyi ŭ Breście, adkazvajučy na pytańnie žurnalistaŭ, ci byŭ skarektavany ich płej-list dla biełaruskaha kancerta.

Sustreča z presaj papiaredničała vystupleńniu «Bi-2» na Dni Bresta.

Na pytańnie pra lubimyja i nielubimyja pieśni ŭ svaim vykanańni, muzykanty adznačyli, što «vystupleńnie na placoŭkach takoha rodu, jak haradskija śviaty, praduhledžvaje vialikuju kolkaść piesień užo viadomych, čym piesień z apošniaha alboma, a ihrać, kaniešnie, padabajecca z apošniaha alboma, pa pryčynie taho, što jany zusim śviežyja».

«Jość pieśni, jakija hublajuć aktualnaść z časam, jość pieśni, jakija prosta zaihryvajucca. M

y na niekatoryja čas vyklučajem ich z repiertuaru, a praź niekatory čas, kali ty znoŭ pačynaješ ihrać hetyja pieśni, źjaŭlajecca novaje dychańnie, novyja farby. Ja dumaju, što tak robiać mnohija hurty. Chacia jość takija pieśni, ad jakich admovicca zusim niemahčyma, tamu, kab nam viesialej było ich ihrać, my pastupova mianiajem štości ŭ aranžyroŭkach», — skazaŭ Lova.

Na pytańnie ab tym, ci źbirajucca muzykanty, jakija źjaŭlajucca vychadcami ź Biełarusi, praśpiavać na biełaruskaj movie, Lova adkazaŭ: «Niama pakul takoj pieśni, jakuju b nam chaciełasia praśpiavać pa-biełarusku».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH