Trecim abaviazkovym ispytam dla 11-ch kłasaŭ z 2013 h. stanie zamiežnaja mova 15

Trecim abaviazkovym ispytam dla 11-ch kłasaŭ u Biełarusi z 2013 hoda stanie zamiežnaja mova. Heta praduhledžana pastanovaj Ministerstva adukacyi № 77 «Ab ustanaŭleńni pieraliku navučalnych pradmietaŭ, pa jakich pravodziacca vypusknyja ekzamieny, form praviadzieńnia vypusknych ekzamienaŭ pry praviadzieńni ŭ 2012/2013 navučalnym hodzie vynikovaj atestacyi vučniaŭ, pry asvajeńni źmiestu adukacyjnych prahram ahulnaj siaredniaj adukacyi, adukacyjnaj prahramy śpiecyjalnaj adukacyi na ŭzroŭni ahulnaj siaredniaj adukacyi», jakaja aficyjna apublikavana na Nacyjanalnym pravavym internet-partale pravo.by.

«Paśla zaviaršeńnia navučańnia i vychavańnia na III stupieni ahulnaj siaredniaj adukacyi vučniaŭ pry asvajeńni źmiestu adukacyjnaj prahramy siaredniaj adukacyi abaviazkovymi źjaŭlajucca: „Matematyka“ ŭ piśmovaj formie; „Biełaruskaja mova“ abo „Rasiejskaja mova“ na vybar vučnia ŭ piśmovaj formie; „Zamiežnaja mova“ ŭ vusnaj formie», — havorycca ŭ pastanovie.

Akramia taho, dakumient ustanaŭlivaje pieralik navučalnych pradmietaŭ, pa jakich pravodziacca vypusknyja ekzamieny, i formy praviadzieńnia vypusknych ekzamienaŭ dla 9-ch kłasaŭ: abaviazkovymi buduć «Biełaruskaja mova» ŭ piśmovaj formie, «Ruskaja mova» ŭ piśmovaj formie, «Matematyka» ŭ piśmovaj formie i «Historyja Biełarusi» — u vusnaj.

Pastanovaj taksama ŭstanoŭleny pieralik vypusknych ispytaŭ dla 9-ch i 11-ch kłasaŭ, dzie navučańnie i vychavańnie ažyćciaŭlajucca na movie nacyjanalnaj mienšaści — polskaj abo litoŭskaj i dla inšych katehoryj vučniaŭ.

Heta pastanova ŭstupaje ŭ siłu z 1 vieraśnia 2012 hoda.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH