Na siońniašni dzień u karystańni hramadzianaŭ EZ znachodzicca 478,4 młn. mabilnych telefonaŭ.
Rynak telekamunikacyjaŭ — adzin z samych dynamičnych u EZ. U minułym hodzie tempy rostu prybytkaŭ u sfery mabilnaj suviazi skłali 4,6%. Kolkaść telefonaŭ užo pieravyšaje kolkaść patencyjnych karystalnikaŭ (103% u 2006 h., u paraŭnańni z 95% u 2005 h.).
Tempy rostu rynku šyrokapałosnych pasłuhaŭ (broadband services), što adkryvajuć dostup da chutkasnaj internet‑suviazi (512 K/bit u sekundu) vahalisia ŭ minułym hodzie pamiž 7,8% i 8,5%. Na siońniašni dzień 15,7% hramadzianaŭ EZ karystajucca šyrokapałosnymi pasłuhami; najbolšaja kolkaść spažyŭcoŭ zafiksavanaja ŭ Niderlandach (29,8% nasielnictva) i Danii (29,4%).
Pavodle acenak Eŭrapiejskaj Kamisii, implementacyja praviłaŭ, ustalavanych EZ na rynku telekamunikacyjaŭ, pryviała da realnaha źnižeńnia koštaŭ i paskareńnia inavacyjnaha pracesu. U toj ža čas, śćviarždaje Kamisija, eŭrapiejski rynak suviazi ŭsio jašče maje patrebu ŭ bolšaj kankurencyi ŭ bolš niezaležnych rehulatornych instytutach.
«Adkryćcio rynkaŭ telekamunikacyjaŭ dla kankurencyi jość, biez sumnievaŭ, adnym z klučavych pośpiechaŭ EZ, bo jano pryviało da źnižeńnia taryfaŭ u palapšeńni pasłuhaŭ», — śćviarždaje Vivjen Redzinh, Eŭrapiejski Kamisar pa pytańniach telekamunikacyjaŭ. U toj ža čas, na dumku Kamisara, rynak maje patrebu ŭ bolšaj kankurencyi i ŭ źmianšeńni nacyjanalnaj frahmentacyi.