Z ulikam mižnarodnaha prava i pracedur biełaruski bok źviarnuŭsia da Litvy i Šviecyi z prośbaj akazać pravavuju dapamohu ŭ rasśledavańni spravy ab parušeńni biełaruskaj miažy lohkamatornym samalotam 4 lipienia.
Jak paviedamiŭ načalnik centra infarmacyi i hramadskich suviaziaŭ KDB Biełarusi Alaksandr Antanovič, adpaviednyja zvaroty nakiravanyja praz Hienieralnuju prakuraturu Biełarusi.
Pavodle słoŭ Antanoviča, biełaruskija pravaachoŭnyja orhany zychodziać z taho, što ŭ vyniku niesankcyjanavanaha palotu šviedskich paddanych byli parušanyja praviły vykarystańnia pavietranaj prastory nie tolki Biełarusi, ale i Šviecyi, Litvy, błoka NATO.
Akramia taho, jak adznačyŭ Antanovič, biełaruski bok nastojvaje na prybyćci ŭ Minsk šviedskich arhanizataraŭ i ŭdzielnikaŭ akcyi, što nieabchodna dla abjektyŭnaha rasśledavańnia spravy, pakolki vočnaja staŭka pa televizary nierealnaja. Takim čynam Antanovič adkazaŭ na pytańnie BiełaPAN pra mahčymaść zvarotu da šviedskich pravaachoŭnych orhanaŭ z prośbaj pravieści śledčyja dziejańni ŭ dačynieńni da hramadzian hetaj krainy na terytoryi Šviecyi.
***
Nahadajem, jak paviedamiŭ CIHS KDB 7 žniŭnia, Kamitetam dziaržbiaśpieki raspačata i rasśledujecca kryminalnaja sprava pa prykmietach złačynstva, praduhledžanaha č. 3 art. 371 KK, pa fakcie niezakonnaha pierasiačeńnia 4 lipienia dziaržaŭnaj miažy Biełarusi paddanymi Šviecyi na lohkamatornym samalocie.
Pa padazreńni ŭ dapamahańni va ŭčynieńni hetaha złačynstva byli zatrymanyja hramadzianie Biełarusi Surapin i Bašarymaŭ, jakim pradjaŭlena abvinavačańnie pavodle č. 6 art. 16 (dapamahańnie va ŭčynieńni złačynstva) i č. 3 art. 371 (niezakonnaje pierasiačeńnie dziaržaŭnaj miažy Respubliki Biełaruś) KK.
«U intaresach abjektyŭnaha rasśledavańnia kryminalnaj spravy i vyśviatleńnia ŭsich akaličnaściaŭ parušeńnia pavietranaj prastory Respubliki Biełaruś i Litoŭskaj Respubliki Kamitetam dziaržaŭnaj biaśpieki prapanujecca paddanym Šviecyi, jakija ŭziali ŭdzieł u arhanizacyi i ažyćciaŭleńni niezakonnaha pierasiačeńnia dziaržaŭnaj miažy, prybyć u Minsk dla ŭdziełu ŭ śledčych dziejańniach u jakaści padazronych, u tym liku dla praviadzieńnia vočnych stavak, — havaryłasia ŭ paviedamleńni CHIS KDB. — Pa vynikach buduć pryniatyja kančatkova adpaviednyja pracesualnyja rašeńni ŭ dačynieńni da biełaruskich hramadzian, jakija prachodziać pa kryminalnaj spravie».
***
Adnamatorny samalot sa šviedskim ekipažam z supracoŭnikaŭ kampanii Studio Total ź plušavymi miškami na borcie pierasiek pavietranuju miažu Biełarusi ranicaj 4 lipienia. Jon pravioŭ u pavietranaj prastory krainy prykładna paŭtary hadziny, skinuŭšy nad Iviancom i ŭskrainaj Minska bolš jak 800 cacak z zapiskami ŭ padtrymku demakratyi ŭ Biełarusi.
Z samaha pačatku vajennyja i pahraničniki kateharyčna abviarhali fakt niezakonnaha pierasiačeńnia miažy.
Historyja z «plušavym desantam» atrymała šyroki hramadski rezanans i dała padstavu sumniavacca ŭ bojehatoŭnaści nie tolki biełaruskich, ale i sajuznych srodkaŭ SPA. Była stvorana kamisija prezidenta, jakaja zaniałasia pravierkaj usich złučeńniaŭ i vajskovych čaściej
31 lipienia Alaksandr Łukašenka vyzvaliŭ ad pasad staršyniu Dziaržpahrankamiteta Ihara Račkoŭskaha i kamandujučaha
Pra niapoŭnuju słužbovuju adpaviednaść papiaredžanyja ministr abarony Juryj Žadobin i načalnik Hienštaba Uzbrojenych sił — pieršy namieśnik ministra abarony
Pa spravie ab «plušavaj bambardziroŭcy» byli zatrymanyja
Jość taksama źviestki, što pa spravie zatrymlivalisia dźvie dziaŭčyny. Heta siabroŭka Bašarymava Iryna Łahojka, jakaja sutki praviała ŭ SIZA KDB. Ź jaje ŭziata padpiska ab nievydavańni tajny śledstva. A taksama
19 lipienia zasnavalnik
