Karespandentu Niamieckaha radyjo Hiezinie Dornblut admoŭlena ŭ akredytacyi ŭ Biełarusi.
Žurnalistka, jakaja sa studzienia pracuje ŭ Maskvie, mieła namier aśviatlać chod parłamienckich vybaraŭ u Biełarusi, adnak MZS krainy nie vydaŭ akredytacyju biez tłumačeńnia pryčyn, havorycca ŭ paviedamleńni radyjo.
«Pasoł Biełarusi ŭ Bierlinie prapanavaŭ Niamieckamu radyjo paŭtaryć zapyt nie raniej čym praz hod.Aprača taho, Niamieckaje radyjo moža pasprabavać akredytavać inšaha karespandenta. Dahetul akredytavanyja ŭ Maskvie niamieckija žurnalisty ŭ asnoŭnym biez prablem atrymlivali akredytacyju ŭ susiedniaj krainie», — zaznačajecca ŭ paviedamleńni.
Pavodle słoŭ Hieziny Dornblut, letaś jana naviedvała Biełaruś i paviedamlała «pra napružanuju sacyjalnuju situacyju i jak vynik — niezadavolenaść u krainie».«Ja taksama dała słova krytykam urada ŭ pravincyi. Całkam mahčyma, heta razzłavała čynoŭnikaŭ. Nie vyklučaju taksama, što Biełaruś zaraz pomścić za sankcyi z boku ES i Niamieckaje radyjo vypadkova pad heta trapiła», — skazała žurnalistka.
Dornblut zajaviła, što admova ŭ akredytacyi «ŭpisvajecca ŭ partret aŭtarytarnaha kiraŭnika, jaki prymaje brutalnyja miery suprać luboj formy krytyki». «Vykazvańnie Łukašenki „Lepš być dyktataram, čym hałubym“, śviedčyć pra mnohaje», — zaznačyła jana, majučy na ŭvazie staŭleńnie biełaruskaha kiraŭnika da sieksualnaj aryjentacyi ministra zamiežnych spraŭ FRH Hida Viesterviele.
0
0
0
0
0
0
