«Kredyty buduć vydzialacca sielhasarhanizacyjam, jakija majuć ułasnyja srodki i zdolnyja zabiaśpiečyć ich viartańnie», — zajaviŭ prezident Biełarusi Alaksandr Łukašenka 4 krasavika padčas naviedvańnia ciapličnaha kambinata «Biareście», paviedamlajuć aficyjnyja krynicy.
Pavodle jaho słoŭ, acenka dziejnaści sielhaspradpryjemstvaŭ krainy budzie ažyćciaŭlacca nie za košt vałavych pakazčykaŭ, a z ulikam «atrymanaha prybytku, rentabielnaści i najaŭnych na rachunkach srodkaŭ». «Siońnia hrošy ŭ krainie jość. Prablema ŭ tym, kab hetyja hrošy pradpryjemstvami viartalisia», — skazaŭ prezident.
A.Łukašenka zapatrabavaŭ praciahvać rabotu pa źnižeńni enierhazatrat i zaležnaści ekanomiki krainy ad enierhapastavak.
Nahadajem, A.Łukašenka druhi dzień zapar ažyćciaŭlaje rabočuju pajezdku pa rehijonach krainy. 4 krasavika jon znajomicca z chodam viasnova‑palavych rabot u Bresckaj vobłaści i Bresckim rajonie.