Apytańnie: top biełaruskich miedaloŭ na Alimpijadzie 49

Zbornaja Biełarusi zavajavała na Letnich Alimpijskich Hulniach 13 miedaloŭ: 3 załatyja, 5 srebranych, 5 bronzavych

Voś uvieś śpis našych hierojaŭ.

Zołata zavajavali: Nadzieja Astapčuk (lohkaja atletyka, jadro), Maksim Mirny / Viktoryja Azaranka (tenis, mikst), Siarhiej Martynaŭ (stralba);

srebra: heta dva miedali Alaksandry Hierasimieni ŭ płavańni, miedal bratoŭ Alaksandra i Andreja Bahdanovičaŭ (kanoe-dvojka), uznaharoda Ramana Pietrušenki i Vadzima Machnieva (bajdarka-dvojka, 200 mietraŭ), siońniašni miedal dziaŭčat u mastackaj himnastycy;

bronza: Maryna Škiermankova (ciažkaja atletyka) i Iryna Kuleša (ciažkaja atletyka), Viktoryja Azaranka (tenis), bajdarka-čaćviorka (Iryna Pamiełava, Nadzieja Papok, Volha Chudzienka i Maryna Pałtaran), Luboŭ Čarkašyna (mastackaja himnastyka).

Jaki miedal prynios samyja bolšyja emocyi, samyja vialikija pieražyvańni, najbolšuju radaść i ejfaryju?

Adkazy pakidajcie ŭ kamientarach. Možna nazvać adno proźvišča, možna -- try, a možna i piać, a moža i ŭsie trynaccać. Pažadana arhumientavać.

I ŭ suśvietnym kantekście, jakija niebiełaruskija ŭznaharody najbolš zapomnilisia?

Stabilny Usejn Bołt, fantastyčnaja pieramoha Mieksiki ŭ futbole ci amierykanskija viktoryi ŭ baskietbole?

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH