Pa vynikach vyłučeńnia kandydataŭ u deputaty pałaty pradstaŭnikoŭ pakul niama akruhaŭ, dzie vybary mohuć prajści na biezalternatyŭnaj asnovie, paviedamiŭ sakratar Centralnaj kamisii Biełarusi pa vybarach i praviadzieńni respublikanskich refierendumaŭ Mikałaj Łazavik.
U siarednim pa krainie konkurs siarod patencyjnych kandydataŭ u deputaty składaje 4–5 čałaviek na adnu vybarčuju akruhu, skazaŭ Mikałaj Łazavik.Jon nie vyklučyŭ, što biezalternatyŭnyja akruhi ŭ krainie mohuć źjavicca paśla zakančeńnia pracedury rehistracyi vyłučencaŭ.
Na dadzieny momant pa 2 mierkavanyja pretendenty na miesca ŭ parłamiencie zafiksavana ŭ 11 akruhach, pa try — u 20, pa čatyry — u 35, pa piać — u 17. U 12 akruhach kandydatami ŭ deputaty žadajuć stać pa šeść čałaviek, u 10 akruhach — pa siem. Pa 8 patencyjnych kandydataŭ na deputacki fatel jość u troch akruhach. Akramia taho, u Biełarusi jość pa adnoj akruzie, pa jakich majuć namier bałatavacca pa 10 i pa 11 čałaviek.
Vyłučeńnie kandydataŭ zaviaršyłasia 13 žniŭnia, z 14 pa 23 žniŭnia akruhovyja vybarčyja kamisii buduć pravodzić ich rehistracyju. Dzień vybaraŭ pryznačany na 23 vieraśnia.
