Začynieny ŭładami pravaabarončy centr «Viasna» i HA «Biełaruskaja asacyjacyja žurnalistaŭ» inicyjavali kampaniju nakont źmieny miery strymańnia dla žurnalista Antona Surapina, jaki z 13 lipienia znachodzicca ŭ SIZA KDB. Pravaabaroncy taksama chadajničajuć ab źmienie miery strymańnia ŭ dačynieńni da ryełtara Siarhieja Bašarymava,jakomu razam z Surapinym pradjaŭlena abvinavačvańnie ŭ spryjańni niezakonnamu pierasiačeńniu dziaržaŭnaj miažy Respubliki Biełaruś (č. 6 art. 16 i č. 3 art. 371 KK), i vyzvaleńni ich abodvuch
Pavodle Kryminalnaha kodeksa Biełarusi, paručalnictva za źniavolenaha mohuć dać dva ci bolej raniej nie sudzimych hramadzian krainy, jakija «zasłuhoŭvajuć davieru». U suviazi z hetym pravaabaroncy prapanujuć ŭsim nieabyjakavym hramadzianam taksama padpisać adpaviednyja paručalnictva, uzory jakich źmieščanyja na našym sajcie i nakiravać ich na adras: KDB Biełarusi (h. Minsk, pr. Niezaležnaści 17).
Nahadajem, 6 lipienia 2012 hoda byŭ zatrymany i ŭziaty pad vartu ŭ SIZA KDB Siarhiej Bašarymaŭ, a 13 lipienia 2012 hoda — fatohraf Anton Surapin. 16 i 23 lipienia adpaviedna, im było pradjaŭlena abvinavačvańnie pa č. 3 art. 371 Kryminalnaha kodeksa Respubliki Biełaruś «Niezakonnaje pierasiačeńnie dziaržaŭnaj miažy Respubliki Biełaruś». Takim čynam KDB Biełarusi rascaniła raźmiaščeńnie Antonam Surapinym fotazdymkaŭ mierkavanaha palotu šviedskaha samalota ŭ biełaruskaj pavietranaj prastory. Jašče bolš absurdnymi vyhladajuć abvinavačvańni Siarhieja Bašarymava, jaki zdavaŭ u arendu kvateru hramadzianam Šviecyi, u spryjańni pierachodu dziaržaŭnaj miažy Respubliki Biełaruś.
Pravabaroncy i žurnalisty rasceńvajuć zatrymańnie i ŭziaćcio pad vartu hramadzianaŭ Antona Surapina i Siarhieja Bašarymava jak eskałacyju strachu ŭ hramadstvie i sprobu pierakłaści adkaznaść za nienaležnuju achovu dziaržaŭnaj miažy i pavietranaj prastory krainy na zvyčajnych hramadzianaŭ.
Uziać aryhinały paručalnictvaŭ možna tut