Pres-sakratar MZS Biełarusi Andrej Savinych nazvaŭ «paklopam» mierkavańni ab tym, što ŭ šviedaŭ jość padstavy być aściarožnymi ŭ Biełarusi.
«Heta zvyčajny paklop. Navat dziŭna, što šviedskaje MZS apuskajecca da takoha ŭzroŭniu. Heta lišni raz dakazvaje, što jany zusim nie razumiejuć Biełaruś. Usie, chto choć trochi viedajuć našu krainu i nie sprabujuć jaje metanakiravana demanizavać, razumiejuć, što takija incydenty ŭ nas niemahčymyja. Zrešty, moža być, jany čuli štości pra dziejańni polskich
Raniej pasolstva Šviecyi ŭ Minsku na šviedskamoŭnaj staroncy svajho sajta paviedamiła pra atrymanyja pahrozy ŭ adras šviedaŭ, što znachodziacca ŭ Biełarusi. Na sajcie, u pryvatnaści, havorycca: «Biełaruś, jak praviła, biaśpiečnaje miesca», ale ŭ suviazi z apošnimi padziejami ŭ
MZS Šviecyi pakul nie maje źviestak pra incydenty sa šviedskimi hramadzianami na terytoryi Biełarusi, paviedamiŭ «Radyjo Šviecyja» pradstaŭnik hetaha viedamstva.Razam z tym, dapoŭniŭ jon, dypłamatyčny kanflikt pamiž krainami vymušaje šviedskaje MZS zaklikać svaich hramadzian da aściarožnaści ŭ Biełaruci.
Pavodle danych MZS Šviecyi, u Biełarusi «žyvuć ź dziasiatak šviedskich hramadzian, štohod vydajecca prykładna 3.500 viz na naviedvańnie Biełarusi šviedskimi hramadzianami».
Dypłamatyčny kanflikt pamiž Minskam i Stakholmam razhareŭsia paśla taho, jak 1 žniŭnia biełaruskija ŭłady infarmavali Šviecyju ab niepradaŭžeńni akredytacyi pasłu Stefanu Eryksanu. Dypłamata abvinavacili ŭ destruktyŭnaj dziejnaści. U adkaz na heta šviedskija ŭłady zajavili, što nie prymuć novaha pasła Biełarusi, i rekamiendavali dvum supracoŭnikam biełaruskaha pasolstva pakinuć Stakholm.
8 žniŭnia MZS Biełarusi abviaściła ab adklikańni ŭsich supracoŭnikaŭ biełaruskaha pasolstva ŭ Stakholmie. Šviedskamu boku rekamiendavana raspačać anałahičnyja miery i adklikać usich svaich dypłamataŭ ź Minska da 30 žniŭnia.
