Kiraŭnik parlamenckaha kamitetu pa nacyjanalnaj biaśpiecy i abaronie Litvy Arvidas Anušauskas ličyć, što švedzki samalot pierasiok miažu 4 lipienia «z-za adnoj nievialikaj pamyłki», dapuščanaj dziažurnaj źmienaj. Pra heta jon zajaviŭ u interviju radyjostancyi «Žinių radijas», paviedamlaje resurs delfi.lt.
«Adna nievialikaja pamyłka vyznačaje šmat. Dumaju, u dadzienym vypadku vyśvietlicca, što była dapuščana pamyłka: radary bačać samaloty, ich chutkaść ustaloŭvajecca technična. Pakolki nie było apaznańnia, nie było radyjosuviazi z švedzkim samalotam, aŭtamatyčna adznačyli: z Paciunaja vylecieŭ «nieapaznany», u pavietranuju prastoru Litvy źnikły samalot viarnuŭsia, treba było paznačyć jaho jak «nieapaznany», a paznačyli jak «apaznany».
«Dziažuryła estonskaja źmiena. U Karmiełavie jość i litoŭcy, i estoncy, i łatyšy. Dziažuryła estonskaja źmiena. My ničoha nia zrobim z estonskimi słužboŭcami». Na dumku Arvidasa Anušauskasa, litoŭskija viedamstvy niapravilna adreahavali na incydent, jany abaviazany pryznać svaju pamyłku.
Anušauskas taksama adznačyŭ, što Słužba achovy dziaržmiažy zvyčajna nie raśśleduje parušeńni pavietranaj miažy, ale ŭ dadzienym vypadku Hienprakuratura rasparadziłasia, kab hetaja słužba takoje raśśledavańnie praviała. Pavodle jaho słoŭ, na samoj spravie achova pavietranaj prastory znachodzicca ŭ padparadkavańni litoŭskich BPC.
