Aktyvistki arhkamiteta pa stvareńni partyi «Biełaruskaja chryścijanskaja demakratyja» (BCHD) Halina Karžanieŭskaja i Ina Łojka 22 žniŭnia aštrafavany sudom Savieckaha rajona Minska na try bazavyja vieličyni.
Jak paviedamiŭ adkazny sakratar arhkamiteta BCHD Dzianis Sadoŭski, sud pryznaŭ ich vinavatymi va ŭdziele ŭ niesankcyjanavanym pikiecie pa zbory podpisaŭ u padtrymku palitźniavolenych.
Sadoŭski zaznačyŭ, što 8 žniŭnia ŭ dačynieńni da Karžanieŭskaj i Łojki byli składzieny pratakoły ab administracyjnym pravaparušeńni za ŭdzieł u niesankcyjanavanym masavym mierapryjemstvie. Pryčynaj dla hetaha stała toje, što aficyjna pikiety pravodzilisia dla zboru podpisaŭ za pretendentku ŭ kandydaty ŭ deputaty Marynu Chomič, a realna na hetych pikietach źbirali podpisy ŭ abaronu palitźniavolenych.
«Vidavočna, što zbor podpisaŭ za vyzvaleńnie palitźniavolenych razdražniaje ŭłady nie mienš za kampaniju bajkotu vybaraŭ. Sa składzienych pratakołaŭ było bačna, što ŭłady bajacca infarmavańnia ludziej pra palitźniavolenych, jany bačyli, jak ludzi aktyŭna staviać u ich padtrymku svaje podpisy, prajaŭlajuć svaju salidarnaść», — skazaŭ Sadoŭski.
