Błohier Lipkovič i plušavyja miški.
Miški-braty.
Viadomy błohier Jaŭhien Lipkovič pryvioz u Biełaruś plušavaha mišku. Heta adna z tych cacak, jakuju piłoty z «Studio Total» nie ŭziali ŭ palot. Druhi miška na na fota - biełaruski «tavaryš», jakoha znajšli ŭ staličnym mikrarajonie Sucharava.
Viadoma, što dla «plušavaj ataki» šviedy zamovili ŭ Kitai 1000 miadźviedzianiatak. Zatym samaruč pryčapili da ich nadpisy z zaklikami da svabody słovy.
«Heta narmalnaja praktyka, što cacki zamovili ŭ Kitai. Nie ździŭlusia, kali nastupnym razam hetych mišak buduć vyrablać u našym industryjalnym parku», žartuje błohier.
Miška trapiŭ da Lipkoviča praz pasiarednika. Toj vyjšaŭ na šviedaŭ, atrymaŭ ad ich cacku i pierasłaŭ Lipkoviču. Pryčym całkam biaspłatna.
Pa słovach błohiera, jon nie baicca, što moža być abvinavačanym u suviaziach sa šviedach:
«Svajakoŭ majoj žonki ŭ 30-ja hady rasstralali za toje, što jany nibyta byli polskimi špijonami. Tak što bajacca ŭžo niama kudy», kaža Lipkovič.
Miesca «miškam» - u Muziei biełaruskaj dziaržaŭnaści pobač z pašpartam Łukašenki. A šviedskija piłoty zasłuhoŭvajuć ordeny, chaj navat i paśmiarotna, miarkuje błohier.
Ź inšaha boku, jon sumniajecca, što z dapamohaj «mišak» u Biełarusi stała bolš demakratyi, dy škaduje, što «desant» zładzili nie biełarusy.
«Jak u kłasika [ź lista Puškina da Viaziemskaha - NN],
«ja, kaniečnie, taksama pahardžaju svajoj dziaržavaj. Ale mnie baluča i kryŭdna, kali zamiežnik padzialaje hetyja pohlady sa mnoj».
