U KNDR prajšoŭ pieršy «zachodni» kancert — fotafakt 3
Niaŭžo ŭ Paŭnočnuju Kareju pryjšła adliha?
Novy kiraŭnik KNDR Kim Čen Yn praciahvaje adychodzić ad aŭtarytarnaha stylu kiravańnia svajho baćki i dzieda.
U Pchieńjanie adbyŭsia pieršy kancert, na jakim hučali nie patryjatyčnyja pieśni pad simfaničny arkiestr, a muzyka, za jakuju jašče dziesiać hadoŭ nazad možna było trapić u turmu.
Akramia karejskaj papsy, estradny ansambl Moranbong Band vykanaŭ znakamituju Strangers In The Night Frenka Sinatry na movie aryhinału.
Vializny ekran tranślavaŭ kadry z halivudskaha błokbastara 1985 hoda «Roki-4» ź Silviestram Stałone. «Padtancoŭki» była ŭ kaściumach Miki-Maŭsa, jaho siabroŭki Mini i inšych dysnejeŭskich hierojaŭ. Na praciahu dziesiacihodździaŭ paŭnočnakarejcam, jak u svoj čas i savieckim ludziam, ubivali ŭ hałavu: amierykanskaja masavaja kultura — uvasableńnie maralnaha zaniapadu zahnivajučaha Zachadu. Zatoje ciapier usio ŭ Pchieńjanie viedajuć: Moranbong Vand stvorany pa asabistaj inicyjatyvie «vyšejšaha kiraŭnika» Kim Čen Yna — maładoha pravadyra KNDR.
