Niezvyčajnyja zbudavańni źjavilisia na adnym z astravoŭ Lepielskaha voziera -- tam arhanizavali pierachody dla murašak.
Pierachody źjavilisia na ekałahičnaj ściežcy, raźmieščanaj pobač z pansijanatam, dzie kruhły hod adpačyvajuć turysty ź Biełarusi i Rasii. U miescach mihracyi murašynych kałonij ŭstalavali try draŭlanyja mastki, svabodnaj prastory pad jakimi całkam dastatkova dla pieramiaščeńnia murašak.
Praŭda, i muraški, i ludzi pakul addajuć pieravahu pachodam pa-staromu.Tak, turysty praciahvajuć taptać ściežku, abychodziačy draŭlany naścił niezrazumiełaha im pryznačeńnia (bo pobač niama ni kanavy, ni bałota), tady jak muraški arhanizavali sabie pierachod prosta pierad mastkom.
Raspracoŭščyki ściežki nie sumujuć: uviesnu, kali muraški mihrujuć kałonijami, takija zbudavańni całkam apraŭdvajuć zatračanyja na ich ustanoŭku namahańni.
0
0
0
0
0
0
