Amal 60% rabotnikaŭ kamiercyjnych arhanizacyj Biełarusi ŭ červieni 2012 hoda mieli zarabotnuju płatu mienšuju za siarednierespublikanski ŭzrovień. Pra heta havorycca ŭ dakładzie pra vykanańnie najvažniejšych pakazčykaŭ sacyjalna-ekanamičnaha raźvićcia Biełarusi, apublikavanym na sajcie Ministerstva ekanomiki.
Pry hetym prykładna 20% ź ich atrymali zarabotnuju płatu mienš jak 2 młn rubloŭ, kanstatujuć u Minekanomiki.
Jak adznačajecca ŭ dakumiencie, realnaja zarabotnaja płata ŭ paraŭnańni z I paŭhodździem 2011 hoda pavialičyłasia na 7,4%.
Naminalnaja naličanaja siaredniamiesiačnaja zarabotnaja płata pa krainie ŭ studzieni—červieni skłała 3262,6 tys. rubloŭ, u tym liku ŭ červieni — 3752,1 tys. rubloŭ.
Pavodle źviestak Minekanomiki, u Bresckaj vobłaści nižejšuju za siarednierespublikanski ŭzrovień atrymlivajuć zarpłatu 68% rabotnikaŭ, u Hrodzienskaj — 66%, u Viciebskaj — 65%, u Mahiloŭskaj — 64%, u Homielskaj i Minskaj — 59%, u Minsku — 44%.
0
0
0
0
0
0