Upraŭleńnie infarmacyi i hramadskich suviaziaŭ biełaruskaha MUS 29 žniŭnia abvierhła infarmacyju niamieckich ŚMI pra toje, što ŭ miežach supracoŭncitva z Hiermanijaj pravodzilisia praktyčnyja zaniatki pa «akružeńni demanstrantaŭ» i «likvidacyi masavych biesparadkaŭ».
«Nie adpaviadajuć sapraŭdnaści i raspaŭsiudžanyja śćviardžeńni pra toje, što biełaruskija pravaachoŭniki zabiaśpiečvalisia niamieckim bokam niejkimi śpiecsrodkami, u pryvatnaści „šlemami, ščytami i dubinkami“, — havorycca ŭ paviedamleńni UIHS MUS. — Razam z tym palicyja Hiermanii akazvała sadziejničańnie ŭ asnaščeńni niekatorych milicejskich padraździaleńniaŭ kampjutarami i arhtechnikaj. U pryvatnaści, byli abstalavanyja kłasy ŭ Mižnarodnym navučalnym centry padrychtoŭki, pavyšeńnia kvalifikacyi, pierapadrychtoŭki kadraŭ u śfiery mihracyi i supraćdziejańnia handlu ludźmi (Minsk, Akademija MUS)».
MUS zaznačaje, što supracoŭnictva z padraździaleńniami palicyi Hiermanii ŭ 2009–2010 hadach ažyćciaŭlałasia «pry vykanańni nacyjanalnych zakanadaŭstvaŭ abiedźviuch dziaržaŭ, norm i pryncypaŭ mižnarodnaha prava, pałažeńniaŭ dvuchbakovych i šmatbakovych mižnarodnych dahavoraŭ, udzielnikami jakich źjaŭlajucca Respublika Biełaruś i Fiederatyŭnaja Respublika Hiermanija».
Supracoŭnictva ažyćciaŭlałasia pa nastupnych asnoŭnych kirunkach:supraćdziejańnie nielehalnamu aŭtabiźniesu; baraćba ź nielehalnaj mihracyjaj; apieratyŭny analiz; achova hramadskaha paradku pry praviadzieńni futbolnych i chakiejnych matčaŭ; vyvučeńnie asablivaściaŭ pracy rehijanalnych padraździaleńniaŭ; arhanizacyja pracy palicejskich učastkaŭ dla časovaha ŭtrymańnia aryštavanych.
Było praviedziena kala 50 sumiesnych mierapryjemstvaŭ: vizitaŭ, navučajučych i aznajamlenčych sieminaraŭ na terytoryi Hiermanii i Biełarusi. U ich uziali ŭdzieł supracoŭniki kryminalnaha vyšuku, DAI, NCB Interpoła, Akademii MUS, milicyi hramadskaj biaśpieki, padraździaleńniaŭ pa baraćbie z karupcyjaj i ekanamičnymi złačynstvami, narkotykami i złačynstvami ŭ śfiery vysokich technałohij, ekśpierty DEKC MUS i inš. Usie mierapryjemstvy «šyroka aśviatlalisia ŭ ŚMI i ŭ internecie».
«Apošniaje mierapryjemstva ŭ miežach vyšejnazvanaha supracoŭnictva było ažyćcioŭlena 22–26 listapada 2010 hoda, — paviedamlajecca ŭ
Aprača taho, sumiesnaja praca biełaruskich i niamieckich pravaachoŭnikaŭ pa vykryćci mižnarodnych złačynnych hrup «mieła miesca i ŭ 2011 hodzie». «Jarkim prykładam moža słužyć vykryćcio bandy, jakaja dziejničała na terytoryi Hiermanii, Litvy, Polščy i Biełarusi. Jaje členami byli ŭčynieny 34 uzbrojenyja razbojnyja napady na banki z kradziažom bolš jak 800 tys. jeŭra», — havorycca ŭ paviedamleńni.
Raniej niamieckija ŚMI paviedamili ab pieradačy Minsku kala 100 kamplektaŭ milicejskaj amunicyi i nazirańni biełaruskimi siłavikami za razhonam niamieckaj palicyjaj udzielnikaŭ akcyi pratestu suprać transparciroŭki ciahnika z radyjeaktyŭnymi adchodami. Apazicyjnyja partyi zapatrabavali tłumačeńniaŭ u MUS i zajavili ab nieabchodnaści słuchańniaŭ u profilnym kamitecie bundestaha.
