Hrybaŭskajcie zaklikała śpiecsłužby Litvy havaryć praŭdu pra plušavy desant 4

Prezident Litvy Dala Hrybaŭskajcie miarkuje, što litoŭskija śpiecsłužby nie pavinny chłusić, dajučy hramadstvu infarmacyju pra hetak zvany plušavy desant.

«Incydent ja b padzialiła na dźvie častki: pierasiačeńnie litoŭskaj miažy i toje, što adbyvałasia na terytoryi krainy. Pierasiačeńnie miažy rasśledujuć, infarmacyju daduć hramadstvu i šviedskaj pravaachovie. Ale <…> nie treba manić — nie daviadziecca kazać hłupstva i vykručvacca», — cytuje Hrybaŭskajte internet-resursDelfi.lt.

Jana dadała, što heta tyčycca taksama litoŭskaj palityki i słužbaŭ, jakija dali niamała supiarečlivaj infarmacyi pra palot šviedskaha samalota ź Litvy ŭ Biełaruś.

Lohkamatorny samalot sa šviedskim ekipažam z supracoŭnikaŭ pijar-kampanii Studio Total ź plušavymi miškami na borcie pierasiek pavietranuju miažu Biełarusi ranicaj 4 lipienia. Jon pravioŭ u pavietranaj prastory krainy amal paŭtary hadziny i skinuŭ nad Iviancom i ŭskrainaj Minska bolš jak 800 cacak z zapiskami ŭ padtrymku demakratyi ŭ Biełarusi.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH