Śviatar, što źniaŭ štany na vakzale ŭ Baranavičach, pazbaŭleny sana 5

Sinod Biełaruskaj pravasłaŭnaj carkvy pazbaviŭ troch śviataroŭ sanu.

Takija rašeńni, a asabliva adrazu pa niekalkich śviatarach, prymajucca Sinodam BPC dosyć redka.

Adzin ź ich, protaijerej Hieorhij, nieadnarazova rabiŭ złačynstvy suprać śviatoha sanu i chryścijanskaj marali. Jon byŭ abvinavačany ŭ chulihanskaj vychadcy ŭ stanie ałkaholnaha apjanieńnia na stancyi Baranavičy-Paleskija ŭ krasaviku 2012 h., paśla čaho mitrapalit Fiłaret svaim ukazam adchiliŭ śviatara ad pasady nastajaciela prychoda i zabaraniŭ słužeńnie.

Pazaštatny kliryk Navahrudskaj jeparchii ijerej Piotr pazbaŭleny sanu za raskolnickuju dziejnaść i ździajśnieńnie nabaženstva suprać voli jepiskapa.

Jašče adzin śviatar — śviatar Andrej, jakomu zabaroniena ŭ słužeńni, z Mahiloŭskaj jeparchii — byŭ pazbaŭleny sanu pa jaho ž prośbie. Ab matyvach takoha prašeńnia nie paviedamlajecca.

Akramia taho, archijepiskap Navahrudski i Lidski Huryj, kiraŭnik spraŭ BPC paviedamiŭ Sinodu ab parušeńniach z boku kliryka Navahrudskaj jeparchii ijereja Iaana. Raniej jon byŭ adličany za štat, ale nie pierajšoŭ u inšuju jeparchiju Rasijskaj ci inšaj pamiesnaj pravasłaŭnaj carkvy, jak hetaha patrabujuć kananičnyja pradpisańni. Bieź viedama jepiskapa śviatar emihravaŭ u Bielhiju [u 2001 h.], dzie pierajšoŭ u unijactva i ŭznačaliŭ prychod Hreka-katalickaj carkvy. Sinod vyrašyŭ, što nieabchodna zabaranić ŭ słužeńni hetamu śviataru, a taksama zaklikać jaho «da viartańnia va ŭłońnie Śviatoj pravasłaŭnaj carkvy» praz pakajańnie. Kali ž raskajańnia nie budzie, śviatara miarkujecca pazbavić sanu na adnym z pasiadžeńniaŭ Sinoda BPC.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH