U sieradu, 5 vieraśnia, nočču ŭmovy nadvorja na terytoryi Biełarusi budzie vyznačać vobłaść pavyšanaha atmaśfiernaha cisku, dniom budzie zaŭvažny ŭpłyŭ atmaśfiernych frantoŭ, jakija źmiaščajucca z Zachodniaj Jeŭropy.
Tamu nočču jašče zachavajecca suchoje nadvorje, a dniom miescami projduć karotkačasovyja daždžy, jakija mohuć supravadžacca navalnicami.Unačy i ŭdzień u asobnych rajonach słaby tuman. Viecier zachodni ŭmierany. Tempieratura pavietra: minimalnaja nočču 7..+13 ° S, maksimalnaja dniom ad +17°S pa poŭnačy da +24°S pa poŭdni krainy.
U čaćvier, 6 vieraśnia, z pastupleńniem niaŭstojlivych pavietranych mas sa Skandynaŭskaha paŭvostrava, stanie chaładniej: u načnyja hadziny minimalnaja tempieratura pavietra składzie 7...+14°S, dniom termomietry pakažuć +13..+20°S. Nočču ŭ asobnych rajonach krainy, a dniom na bolšaj častcy terytoryi čakajucca karotkačasovyja daždžy. Viecier paŭnočna-zachodni ŭmierany, dniom paryvisty.
U piatnicu, 7 vieraśnia, z rostam atmaśfiernaha cisku istotnych apadkaŭ nie prahnazujecca, tolki dniom pa paŭnočnym zachadzie krainy nie vyklučany karotkačasovyja daždžy. Viecier zachodni ŭmierany, dniom miescami mocny paryvisty. Nočču pavietra panizicca da +3...+8°S, dniom nie prahrejecca vyšej za +13..+20°S.
