Akcyja prajšła 3 vieraśnia na płoščy Jakuba Kołasa.
Udzielniki ryzykavali aryštam i vyklučeńniem z univiersitetaŭ: heta zdarajecca ŭ vyniku bolšaści padobnych akcyj z vykazvańniem hramadzianskaj pazicyi.
Tym nie mienš
u paniadziełak 3 vieraśnia na płoščy Jakuba Kołasa prajšła «Fotaakcyja «Chočam vučycca pa-biełarusku». Tak adradzili akcyju z patrabavańniem biełaruskamoŭnaha navučańnia, jakaja ciaham troch hadoŭ niekali pravodziłasia ŭ Biełarusi.
Tradycyja praviadzieńnia padobnych akcyj u pieršy dzień navučalnaha hodu isnavała ŭ 2004–2006 hadach.
Na pieršuju hučnuju akcyju «Chočam vučycca pa-biełarusku» ŭ 2004 hodzie na Kastryčnickaj płoščy sabrałasia kala 200 čałaviek, nie abyšłosia tady i biez zatrymańniaŭ. Nastupnym hodam novaje pakaleńnie studenckich aktyvistaŭ sabrała na płoščy Jakuba Kołasa kala 60 studentaŭ, jakija sfarmavali nadpis «Chočam vučycca pa-biełarusku». Abiedźvie akcyi zakančvalisia bardaŭskimi kancertami ŭ parku Janki Kupały. Uvosieni 2006 akcyja «Chočam vučycca pa-biełarusku» faktyčna nie ŭdałasia. Na kancert pryjšli kala 30 čałaviek, adnak jon nie adbyŭsia.
Praz 6 hadoŭ novaje pakaleńnie Zadzinočańnia biełaruskich studentaŭ praviało na płoščy Jakuba Kołasa novuju «Chočam vučycca pa-biełarusku».
Pavodle źviestak Nacyjanalnaha statystyčnaha kamitetu, tolki 0,9% ci 4 200 studentaŭ VNU majuć mahčymaść vučycca całkam na biełaruskaj movie. Uźniknieńnie całkam biełaruskamoŭnaha ŭniviersiteta — adna z hałoŭnych pieradumovaŭ dla zachavańnia nacyjanalnaj kultury i movy.
