Sprava ab zabojstvie armianina, znojdzienaha pad Dziaržynskam u naručnikach, pieradadzienaja ŭ sud 1

Prakuratura Minskaj vobłaści nakiravała ŭ sud rasśledavanuju ŭpraŭleniem Śledčaha kamiteta Biełarusi pa Minskaj vobłaści kryminalnuju spravu pa fakcie zabojstva ŭ lutym 2012 hoda 41-hadovaha hramadzianina Armienii. Jaho trup byŭ znojdzieny 23 lutaha ŭ lasnym masivie pablizu vioski Žuravinka Dziaržynskaha rajona. Pra heta paviedamiła staršy prakuror adździeła pa nahladzie za rasśledavańniem kryminalnych spraŭ USK pa Minskaj vobłaści Taćciana Kučynskaja.

Nahadajem,

trup 41-hadovaha ŭradženca Jerevana z prykmietami hvałtoŭnaj śmierci, z zašpilenymi na zapiaściach ruk za śpinoj kajdankami byŭ znojdzieny 23 lutaha

kala 11.00 za 30 mietraŭ ad aŭtadarohi Žuravinka — Pałanievičy ŭ Dziaržynskim rajonie ŭ lasnym masivie.

Na ciele zahinułaha było mnostva tatuirovak:

na pravaj stupni — «oni»; na levaj — «ustali»; na abodvuch kaleniach vyjavy aščeranych tyhrynych paščaŭ; na pravaj nazie — tatuiroŭka ŭ vyhladzie čerapa, prabitaha klinkom; na abodvuch plačach 8-kancovyja zorki; na pravym pieradpleččy vyjava Dzievy Maryi; na levym — karabiel ź vietraziami; na śpinie carkva z 10 kupałami i kryžami i nadpisam pad joj 1996–2003. Zychodziačy z hetaha,

było vysunuta zdahadka, što zabity — niejki kryminalny aŭtarytet.

Pa słovach Taćciany Kučynskaj,

u ździajśnieńni złačynstva abvinavačvajucca 20-hadovaja dačka zahinuŭšaha, jakaja znachodziłasia ŭ dekretnym adpačynku pa dohladzie za dziciem, minčanka, a taksama dvoje jaje znajomych.

Minčuku — 20 hadoŭ, žycharu Minskaha rajona — 21 hod.

Jak vyśvietliła śledstva, dačka zahinuŭšaha vyrašyła zabić baćku z dapamohaj znajomych z-za asabistaj niepryjaźni. Mietad zabojstva — atručvańnie i ŭdušeńnie.

U pryznačany čas nočču dačka zaprasiła baćku da siabie dadomu i prapanavała jamu vypić kubak kavy, u jaki jana papiarednie daliła raspuščanuju ŭ vadzie vialikuju dozu snatvornaha.

Adnak paśla ŭžyvańnia atručanaj kavy śmierć mužčyny nie nastupiła, bo skončyŭsia termin prydatnaści snatvornaha, i pry hetym tabletki nie raspuścilisia ŭ vadzie. Zatym abvinavačanaja, vykarystoŭvajučy paharšeńnie stanu zdaroŭja baćki, prapanavała praciahnuć razmovu ŭ aŭtamašynie, vyvieła jaho z kvatery na vulicu i pasadziła ŭ mašynu, dzie ŭ hety čas užo siadzieli jaje saŭdzielniki. Vyviezšy mužčynu ŭ lasny masiŭ u Dziaržynskim rajonie, saŭdzielniki źbili jaho, potym zadušyli admysłova nabytym dla hetaha aŭtamabilnym buksirovačnym trosam.

Dziejańni traich abvinavačanych kvalifikavanyja jak zabojstva z asablivaj žorstkaściu, hrupaj asob

(punkty 6 i 15 častki 2 artykuła 139 Kryminalnaha kodeksa).

Materyjały spravy nakiravanyja ŭ Minski abłasny sud.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH