U debatach pa
«Uładnym» kandydatam na hetaj akruzie ličycca skandalna viadomaja deputatka Śviatłana Šyłava.Jana prasłaviłasia svajoj zajavaj pra toje, što zarobku ŭ try miljony rubloŭ dastatkova dla siamji z dvuma dziećmi. Mienavita da jaje adrasavali svaje vostryja pytańni i Labiedźka, i Kryžanoŭski, pieratvaryŭšy debaty ŭ śpiektakl.
«Mnie zdajecca, što chopić adnaho terminu, — pačaŭ zdalok pytańnie da doktarki Šyłavaj Jaŭhien Kryžanoŭski. — Jana vydatny śpiecyjalist.
Prafiesija čakaje vas, Śviatłana Dźmitryjeŭna! Ja liču, što treba viartacca ŭ siamju».Šyłava pasprabavała adkazać, što padčas deputactva praciahvała doktarskuju dziejnaść, i mienavita jaje viedy patrebnyja parłamientu. Adnak Kryžanoŭski znoŭ viarnuŭsia da temy, kali Šyłava zajaviła, što źjaŭlajecca namieśnicaj Sajuza žančyn Biełarusi.
«Vy ž pavažajecie Lidziju Michajłaŭnu Jarmošynu? A što jana skazała ŭ žyvym efiry? — źviarnuŭsia jon za deputatki i, nie dajučy adkazać, praciahnuŭ: — Jana skazała: žančyny, nie zajmajciesia palitykaj, varycie barščy. U vas troje dziaciej, muž, varycie im barščy».Šyłava pasprabavała vykrucicca ź situacyi, robiačy kamplimienty Jarmošynaj, ale pra boršč tak i nie adkazała.
Labiedźka za čas debataŭ paśpieŭ uzhadać mnohija prablemnyja pytańni — toje, što dvaccaci kandydatam u deputaty ad AHP nie dazvolili źviarnucca da vybarcaŭ z teleekranu, falsifikacyi i manipulacyi na papiarednich vybarach u parłamient, adkaznaść uładaŭ za ekanamičny kryzis, najaŭnaść u krainie palitviaźniaŭ.
Kali ž Šyłava zadała jamu pytańnie z padkołkaj, chto pojdzie ŭ parłamient u vypadku pieramohi Ramanoŭskaha — Labiedźka ci sam Ramanoŭski, staršynia AHP nie palez za słovam u kišeniu. «Kali ŭ Biełarusi buduć vybary, vybiaruć Ramanoŭskaha, i jon budzie hodnym kandydatam.
A ŭ nas pakul nie vybirajuć, a pryznačajuć, tamu chutčej za ŭsio budziecie deputatam vy», —adrezaŭ jon.