Staršynia Parłamienckaj asamblei Arhanizacyi pa biaśpiecy i supracoŭnictvie ŭ Jeŭropie (PA ABSIE) Rykarda Miljory płanuje pryjechać u Biełaruś 9 vieraśnia.Pra heta paviedamiŭ staršynia Pałaty pradstaŭnikoŭ Nacyjanalnaha schodu Uładzimir Andrejčanka 6 vieraśnia ŭ Minsku na sustrečy z kiraŭnikom misii Biuro pa demakratyčnych instytutach i pravach čałavieka (BDIPČ) ABSIE pa nazirańni za parłamienckimi vybarami ŭ Biełarusi Antonio Miłašoski.
«Litaralna niadaŭna da nas pryjšoŭ list ad staršyni PA ABSIE Rykarda Miljory, jaki płanuje pryjechać u chutkim časie razam z delehacyjaj. Ja dumaju, što heta budzie najbližejšaja niadziela», — cytuje Andrejčanku dziaržaŭnaje ahienctva BiełTA.
Čakajecca i pryjezd kiraŭnika karotkaterminovaj misii naziralnikaŭ PA ABSIE Matea Miakačy, dadaŭ Andrejčanka.
Biełaruś, padkreśliŭ jon, prykładzie ŭsie namahańni, kab vybary prajšli adkryta i prazrysta, u adpaviednaści z nacyjanalnym i mižnarodnym zakanadaŭstvam. U svaju čarhu biełaruski bok, pavodle słoŭ Andrejčanki, spadziajecca na abjektyŭnuju i niepraduziatuju acenku vybarčaj kampanii mižnarodnymi naziralnikami.
0
0
0
0
0
0
