Prezydent Ukrainy Viktar Juščanka na minułym tydni raspuściŭ Viarchoŭnuju Radu. Ukrainskija siłavyja viedamstvy padtrymali mienavita prezydenta, a ŭ jahonym abliččy nacyjanalnyja i praeŭrapiejskija siły, a nie premjera Janukoviča z Radaj, prychilnikaŭ postsavieckaj palityčnaj systemy. Hety momant moža być vyrašalnym faktaram u supraćstajańni Juščanki z parlamentam.
Ci paŭpłyvajuć hetyja padziei va Ŭkrainie jakim‑niebudź čynam na Biełaruś? Ci faktar harmonii ŭkrainskich «aranžavych» siłaŭ ź siłavikami adabjecca na ich biełaruskich kalehach? Palitolah Dzianis Mieljancoŭ miarkuje, što nie. «Našy krainy znachodziacca ŭ roznych palityčnych sytuacyjach. Va Ŭkrainie vykonvajucca demakratyčnyja pracedury i palityčny praces vyznačajecca zakonam. U Biełarusi my majem spravu z aŭtarytaryzmam. Bajusia, što ŭkrainski kanstytucyjny kryzys nehatyŭna adabjecca na perspektyvie demakratyzacyi Biełarusi. BT pakazvaje ŭkrainskija padziei jak palityčny chaos na fonie biełaruskaj stabilnaści».
