Kampanija «Eryksan» i SP TAA «Mabilnaja ličbavaja suviaź» (handlovaja marka «Velcom») padpisali kantrakt koštam 43,6 młn. dołaraŭ ZŠA ab pašyreńni sietki hetaha apieratara sotavaj suviazi ŭ Biełarusi. Pra heta paviedamiła pres‑słužba kampanii «Eryksan».
U adpaviednaści z umovami kantrakta «Eryksan» pastavić abstalavańnie dla pašyreńnia i madernizacyi apornaj sietki GSM i kantraloraŭ bazavych stancyj, što dazvolić apierataru pavialičyć jomistaść sietki i absłuhoŭvać da 3,5 młn. abanientaŭ. Raboty pa kantrakcie płanujecca zaviaršyć da kanca kastryčnika 2007 hoda.
Jak zaznačaje pres‑słužba, novy kantrakt źjaŭlajecca jašče adnym važnym krokam pa dalejšym umacavańni partniorstva pamiž «Eryksan» i «MŁS». «Eryksan» supracoŭničaje ź biełaruskim apierataram na praciahu vaśmi hadoŭ. Źjaŭlajučysia suśvietnym lideram u halinie mabilnych kamunikacyj, «Eryksan» zajmaje mocnyja pazicyi na biełaruskim rynku mabilnaj suviazi, padkreślivajecca ŭ paviedamleńni pres‑słužby. Madernizacyja sietki dazvolić «MŁS» pryciahnuć novych abanientaŭ i pavysić standarty jakasnaj mabilnaj suviazi ŭ Biełarusi ŭ cełym, ličać u «Eryksan».
