Na dadzieny momant na Śviatoj Ziamli znachodziacca malitoŭnyja plity na 165 movach śvietu. Tamu, biezumoŭna, źjaŭleńnie tekstu zvarotu da Hospada na biełaruskaj movie stała znakavaj padziejaj dla viernikaŭ Biełarusi. U mižnarodnaj supolnaści i kanfiesijnym śviecie heta cudoŭny fakt śviedčańnia viery nacyi. Tysiačy pałomnikaŭ bačać tut malitvu Haspodniuju
17 vieraśnia 2012 hoda, a
Chryścijanie viedajuć Aliŭnuju haru jak Eleonskuju («Eleona» ŭ pierakładzie z hreckaj — «aliŭny haj»). Tut Hospad uźniośsia ŭ słavie. Tut Chrystos vučyŭ apostałaŭ malicca. Mienavita praz hety jevanhielski ŭspamin vierniki vučacca ŭdaskanalvać svaju malitvu. Chryścijanie z roznych krain śvietu ŭznosiać maleńni da Hospada za siabie, svajakoŭ, usich ludziej, ceły śviet. Našyja suajčyńniki molacca za Biełaruś, svabodnaje žyćcio ŭ joj pavodle Božych zapavietaŭ.
Kaardynataram pilihrymak na Śviatuju Ziamlu vystupaje ksiondz Viciebskaj dyjacezii Viačasłaŭ Barok. Sotni viernikaŭ ździajśniajuć svaje mary, naviedvajučy śviatyni i ŭšanoŭvajučy relikvii, źviazanyja ź Isusam Chrystom. Padarožžy raźličanyja na šyrokaje koła achvotnikaŭ. Ludzi roznych relihij, kanfiesij, pohladaŭ jadnajucca padčas šlachu da hałoŭnych śviatyniaŭ śvietu. Niachaj dla mnohich Izrail — heta najpierš staražytnaja historyja i kultura, niezvyčajnyja krajavidy, adnak duchoŭnaść zaŭsiody pieravažaje. Na heta raźličanaja nasyčanaja prahrama, składzienaja arhanizatarami pilihrymak. Pajezdka ŭ Śviatuju Ziamlu — adkryćcio «žyvoj Biblii». Pilihrymy kročać śviatymi miescami, dzie kaliści chadzili Aŭraam, David, Dzieva Maryja i sam Chrystos. Dla mnohich takija padarožžy — šturšok da asabistaj śviataści, na toje jana i Śviataja Ziamla, kab adbyvalisia dobryja pieramieny.
Taki adpačynak stajecca niezabyŭnym, bo karysny dla zdaroŭja dušy, cieła i rozumu. Arhanizatary pałomnictva starajucca zabiaśpiečyć duchoŭnuju apieku, kožny raz hrupu pałomnikaŭ supravadžaje śviatar.
U kancy kastryčnika adbudziecca čarhovaje padarožža na Śviatuju Ziamlu. Siarod bieźličy śviatyniaŭ, jakija moža naviedać pilihrym, chram Pater Noster moža stać jašče adnoj nahodaj, kab ździejśnić pałomnictva, molačysia za Biełaruś, zachoŭvajučy i ŭšanoŭvajučy rodnuju movu — dušu naroda «krainy pad biełymi kryłami».
