Dvum karotkaterminovym naziralnikam Parłamienckaj asamblei ABSIE z Hiermanii i Litvy, jakija płanavali pryjechać u Biełaruś, admovili ŭ vydačy biełaruskich viz, paviedamiła
Kaardynatar misii karotkaterminovych naziralnikaŭ PA ABSIE Matea Miekačy zajaviŭ, što jon rasčaravany hetaj navinoj.
«Ja spadziajusia atrymać vyčarpalnaje tłumačeńnie ad uładaŭ pa hetym pytańni, kab być upeŭnienym, što atmaśfiera dla misii pa nazirańni zastaniecca spakojnaj i što naša praca budzie mahčymaja biez zabaronaŭ ci abmiežavańniaŭ, jak i było zajaŭlena ŭ nakiravanym nam zaprašeńni ŭziać udzieł u nazirańni», — havorycca ŭ śpiecyjalnaj zajavie Miekačy.
Z 9 pa 12 vieraśnia Matea Miekačy i prezident PA ABSIE Rykarda Miljory naviedali Biełaruś ź vizitam. Jany sustrakalisia z aficyjnymi pradstaŭnikami ŭładaŭ, niekatorymi kandydatami ŭ deputaty, pradstaŭnikami apazicyi i hramadzianskaj supolnaści, svajakami palitźniavolenych, žurnalistami.
Miekačy tady paviedamiŭ, što na sustrečy ź ministram zamiežnych spraŭ Uładzimiram Makiejem abmiarkoŭvałasia ŭ tym liku pytańnie «ab mahčymaści pryjezdu naziralnaj misii PA ABSIE ŭ poŭnym składzie, niezaležna ad krainy pachodžańnia jaje členaŭ».
