Prezident Biełarusi Alaksandr Łukašenka kančatkova vyznačycca, za kaho budzie hałasavać na parłamienckich vybarach 23 vieraśnia. Ab hetym jon raskazaŭ siońnia žurnalistam.
«Ale
adnaznačna budu hałasavać za čałavieka, jaki maje žyćciovy vopyt, jaki svaimi rukami niešta pasprabavaŭ zrabić.Heta dla mianie pryncypova, ja zaŭsiody z hetych pazicyj zychodziŭ i chaču, kab takija sa mnoj pracavali ludzi, tym bolš parłamientaryi», — skazaŭ kiraŭnik dziaržavy.
«Jany pavinny być vopytnymi. Jany pavinny pryjści i pisać zakony. Nie hvałtam kryčać u parłamiencie i na płoščach — pisać zakony», — padkreśliŭ Prezident. «Tamu budu abaviazkova hałasavać za čałavieka z vopytam. Ale, havoračy heta,
ja i inšych zaklikaju hałasavać za tych, chto svaimi rukami pasprabavaŭ niešta zrabić», —dadaŭ kiraŭnik dziaržavy.
Alaksandr Łukašenka adznačyŭ, što jon akazaŭsia ŭbaku ad hetaj pieradvybarnaj kampanii. «Ja zusim nie byŭ pahružany ŭ hetu kampaniju. I dobra. Voś pahladzim, što skažuć, jak skažuć, što dyktatar upłyvaŭ na hetyja vybary», — dadaŭ kiraŭnik dziaržavy.
«U nas Andrejčanka i Jarmošyna zajmajucca vybarami, bolš nichto.Hubiernatary i administracyja Prezidenta dapamahajuć im, urad naohuł nie dałučany da hetaha, heta nie ich sprava, — skazaŭ Prezident. — Paviercie, my zusim nie leziem tudy, dzie nam nie treba być. Dzie ja byŭ patrebny ŭ hetu pieradvybarnuju kampaniju? Ni razu za hety čas jany da mianie nie źviarnulisia».
«Heta značyć ja nie lezu zališnie ŭ pieradvybarnuju kampaniju. Jość kamu zajmacca kankretnaj spravaj», — reziumavaŭ Prezident. «Ja pavinien zabiaśpiečyć hałoŭnaje ŭ hetaj situacyi — kab było spakojna ŭ krainie, kab nichto nikomu nie pieraškadžaŭ žyć», — padkreśliŭ kiraŭnik dziaržavy.
