«Biełaruś źjaŭlajecca jaskravym prykładam taho, jak daloka moža zajści dyktatar, jaki adčuvaje biespakaranaść», — zajaviŭ rasijski palityk i šachmatyst Hary Kasparaŭ, jaki 26 vieraśnia byŭ hanarovym hościem śviatkavańnia50-hodździa biełaruskaha pravaabaroncy Alesia Bialackaha ŭ polskim siejmie.
«Niemahčyma pieraacanić ideju uznaharody Nobieleŭskaj premijaj miru Alesia Bialackaha — mužnaha čałavieka, jaki zmahajecca z dyktaturaj. Heta važny ŭzor mižnarodnaj salidarnaści», — skazaŭ Kasparaŭ.
Jak paviedamlaje Biełaruski infarmacyjny dom (Varšava), u hałoŭnym chole była adkryta vystava, pryśviečanaja hramadzianskaj supolnaści Biełarusi, Alesiu Bialackamu i pravaabarončamu centru «Viasna». Va ŭračystaści ŭziali ŭdzieł
Kiraŭnik polskaj parłamienckaj hrupy pry PASIE i suarhanizatar vystavy Andžej Chalicki pažadaŭ Bialackamu stać sioletnim łaŭreatam Nobieleŭskaj premii miru.
«Aleś Bialacki dapamahaŭ palitviaźniam šmat hadoŭ, mienavita za heta jaho pasadzili biełaruskija ŭłady. Ciapier jon sam palitviazień i patrabuje našaj padtrymki», — zajaviŭ staršynia Biełaruskaha infarmacyjnaha doma Aleś Zarambiuk.
Deputaty i hości padpisali niekalki dziasiatkaŭ paštovak z pažadańniami i słovami padtrymki dla Bialackaha. Paštoŭki buduć vysłany ŭ kałoniju, dzie adbyvaje pakarańnie pravaabaronca.
