Aktyvistu antyjadziernaha ruchu z Astravieckaha rajona Mikałaju Ułasieviču i aktyvistcy ekałahičnaha ruchu ź Minska Taćcianie Novikavaj, jakija nakiroŭvalisia ŭ Litvu na mižnarodnuju navukovuju kanfierencyju pa jadziernaj biaśpiecy, litoŭskija pamiežniki anulavali šenhienskija vizy.
Pavodle Ułasieviča, ich trymali na miažy 6 hadzinaŭ. Razabracca ŭ situacyi pryjazdžaŭ navat deputat litoŭskaha siejma Kazimiras Uoka.
Ułasievič miarkuje, što ŭ hetym byli zacikaŭlenyja tyja, chto źbirajecca budavać atamnuju stancyju ŭ Litvie. Pakolki i jon, i Novikava źbiralisia vystupić na kanfierencyi z arhumientami suprać budaŭnictva atamnych stancyj naohuł u śviecie.
Viadoma, što ŭ kastryčniku ŭ Litvie maje adbycca refierendum nakont budaŭnictva atamnaj stancyi ŭ Litvie.
0
0
0
0
0
0
