Aŭkcyjon, dzie buduć pradavać prava na adstreł łasia, admienieny nie budzie 7

U Biełaruskim tavarystvie palaŭničych i rybałovaŭ abvierhli infarmacyju, što źjaviłasia siońnia ŭ niekatorych ŚMI, ab admienie aŭkcyjonu pa prodažy razavych licenzij na adstreł palaŭničych žyvioł.

27 vieraśnia biełaruskija abarony dzikaj pryrody pieradali ŭ Ministerstva pryrodnych resursaŭ i achovy navakolnaha asiarodździa pietycyju z bolš čym 3 tysiačami podpisaŭ suprać praviadzieńnia aŭkcyjonu pa prodažy razavych licenzij na zdabyču palaŭničych žyvioł.

Tarhi zapłanavanyja na 28–29 vieraśnia ŭ ramkach mižnarodnaj vystavy-kirmašu «Palavańnie i rybałoŭstva. Vosień-2012».

«Toje, što pavinna adbycca na aŭkcyjonie, — ja liču, publičny handal śmierciu, — skazała BiełaPAN ekaabaronca Śviatłana Iščanka. — Tak, u nas uzakonienyja kvoty na adstreł žyvioł, ale niachaj palaŭničyja vykuplajuć licenzii ŭ svaich arhanizacyjach, niachaj hetyja arhanizacyi zapytvajuć za ich tuju canu, jakuju ličać patrebnaj.

Ale rabić z handlu śmierciu šou niedapuščalna — heta cynizm».

Na hłabalnaj internet-płatformie Change.org aktyvisty źbirali podpisy pad pietycyjaj za admienu «aŭkcyjonu śmierci», inicyjavanaha Biełaruskim tavarystvam palaŭničych i rybałovaŭ (BTPR). Aŭtary pietycyi Hanna Piačkoŭskaja i Iryna Siniapkina nazyvajuć aŭkcyjon «brudnym biźniesam, jaki ŭzmacniaje razbureńnie dzikaha asiarodździa pražyvańnia i źniknieńnie redkich vidaŭ žyvioł u dzikaj pryrodzie».

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH