Kvartał u Brylevičach chočuć uščylnić jašče adnym panelnym domam

Uličvajučy patrabavańni hienpłana, jašče na stadyi prajektavańnia hetych žyłych utvareńniaŭ architektary imknucca vycisnuć maksimum z najaŭnaj terytoryi. Adnak kamiercyjnyja intaresy i popyt na rynku nieruchomaści ŭnosiać svaje karektyvy navat u zaćvierdžanyja prajekty detalovaj płaniroŭki. Paćvierdžańnie tamu — situacyja ŭ Brylevičach, dzie zabudoŭščyk TAA «Karpovič» źbirajecca ŭźvieści novy dom va ŭžo sfarmavanym kvartale.

Havorka pra ŭčastak, raźmieščany na skryžavańni vulic Jana Čačota i Karalinskaj. Ciapier tut zielanieje trava, ale nieŭzabavie moža pačacca vialikaja budoŭla. Akramia 10-paviarchovaha panelnaha doma vyniesieny na hramadskaje abmierkavańnie prajekt praduhledžvaje stvareńnie 5-paviarchovajharaž-stajanki.

Prajekt mikrarajona Družba (paźniej jaho pierajmienavali ŭ Brylevičy) byŭ raspracavany ŭ «Minskprajekcie» kala 7 hadoŭ tamu.

Jak miarkujecca, u 10-paviarchovym197-kvaternym domie buduć pražyvać 429 čałaviek. U haražy-stajancy zaprajektavana 240 miescaŭ dla aŭtamabilaŭ. Charakterna, što mašyny, jak skazana ŭ apisańni prajekta, zojmuć nižnija pavierchi, a na vierchnim raźmieściacca tak zvanyja pamiaškańni spadarožnaha pryznačeńnia z administracyjnaj, handlovaj i vystavačnaj funkcyjami. Abjekt abiacaje być vialikim: płošča zabudovy haraža-stajanki (2250 kv.m) pieraŭzychodzić płošču zabudovy žyłoha doma (1860 kv.m).

Akramia taho, zabudoŭščyk praduhledžvaje miesca dla stvareńnia vynasnoha handlu i letniuju estradnuju placoŭku litaralna pad voknami: pamiž novym domam i domam № 21.

Da 9 kastryčnika ŭ miascovych žycharoŭ jość mahčymaść vykazacca pa prajekcie.

Śpiecyjalnaja skrynia dla pryjomu zaŭvah ŭstalavanaja ŭ faje škoły № 25 (vuł. Ja. Čačota, 20).

Dadzienaja sproba ŭščylnieńnia — nie pieršaja ŭ Brylevičach. Peŭny čas tamu na miescy zaprajektavanaha raniej dziciačaha sadka na vuł. Ja. Čačota byŭ uźviedzieny šmatpaviarchovy žyły dom.

realt.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH